სიცოცხლე რომ მინდოდეს, სიკვდილზე არ დავწერდი,
ეს სიცოცხლე სიკვდილის ნაწილია ნამდვილად.
სიკვდილის სანახავად ცოცხალს მე მკვდრად გავფენდი,
მაგრამ მას აქ არ უნდა მოსვლა ასე ადვილად.

სიცოცხლე რომ მინდოდეს, გრძნობებს სულ არ აღვწერდი.
სიცოცხლე ხომ მალვაა რეალური ცხოვრების.
დღეს მე ეს რომ მინდოდეს, გრძნობებს კვლავაც გავცემდი
სიკვდილი სიცოცხლეა მხოლოდ ჩვენი, მგოსნების.

სიკვდილს არ ვიწამებდი სიცოცხლე რომ მინდოდეს,
სიცოცხლე სიკვდილია, სიკვდილი კი სიცოცხლე.
მე კიდევ ბევრს გეტყოდით ეს დრო რომ არ მიჰქროდეს,
მე ერთს ვეტყვი სიცოცხლეს: "ახლავე დაიმორცხვე".

სიცოცხლე რომ მინდოდეს, სიკვდილზე არ დავწერდი,
სიკვდილი ხომ სიცოცხლეს დღეს ჯობია მარტივად.
ბრბომ სიცოცხლე შეაქო, სიკვდილამდე გავთეთრდი,
მხოლოდ ბრიყვნი ხედავენ ამ ცხოვრებას ადვილად.