სიზმრად ვნახე შავი ყორნები
წყვდიადის პირმშო, ბნელეთის მეფე
მიწა გვრგვინავდა, ცა ელავდა
და მომაკვდავთა ისმოდა დრტვინვა

ღამე უდრეკი იდგა დარაჯად
სული ჩემი სიმწრისგან ძრწოდა
იჯდა ეშმაკი გულის ფიცარზე
და აორტიდან შავ ღვინოს სვამდა

შავ დერეფნებში მაცილებს შიში
ქებეტი ხელებში მაჩეჩებს სასმისს
აწ უკვე დაცლილი ყველა გრძნობისგან
უემოციოდ ვხვდები ანუბისს

წინ აღიმართა სახე ტურისა
ჩემში აენთო რწმენა ქართული
და მაშინ როცა სიკვდილსს მიქადდნენ
მე მაცხოვარი გამომესარჩლა...