მე ძლიერ მცივა,მზეც ვეღარ მათბობს
შენ მენატრები,ღვინოც ვერ მათრობს,
და ვევედრები ცას, ყველა მნათობს
რომ დამიბრუნდე, იცი, სულ მათოვს...

წარსულით ვცხოვრობ, მომავლის მჯერა
შენ რომ გამათბობ და შენი მზერა,
ვერ დაგივიწყე,ვერა და ვერა
და ისევ შენთვის დავიწყე წერა...

ისევ დუმილი, ცრემლები ჩუმი
მინდა,რომ ისევ გამილღვეს გული
მალე წავიდეს ჩემგან ზამთარი
მაწუხებს უკვე მუდამ დავთარი...

წლები კი მიდის, შენ ჩემთან რჩები
მაგრამ ჩემ თვალწინ არა, არ ჩნდები
როგორ მიყვარხარ მაგას ვერ ხვდები
მე კი ამ სისხლში ფიფქივით ვდნები...

აღარ ჩქეფს სისხლი, ჩემი ვენები
ჩვენს ისტორიას რომც ვერ ველევი,
მე ძლიერ მცივა,მზეც ვეღარ მათბობს
გთხოვ დამიბრუნდე,მე მუდამ მათოვს...