როდესაც წავა გზები ამ ფანქრის,
მაშინ მოგვცემს რაც ვერ მოუცია.
ფანქარი თურმე უწყვეტად დაჰქრის
და დაუწყია რევოლუცია.

როდესაც წავა გზები ამ ფანქრის,
ჩვენ გავიხსენებთ რაც მას ჰქონია.
ბევრ ჭუჭყს და ნაგავს ის დღეს გზად დაყრის,
რადგან ეს ასე სწორი ჰგონია.

როდესაც წავა გზები ამ ფანქრის,
მთლიანად დაშლის ფერად სამარეს.
ამ დედამიწას თერთმეტად გაჭრის,
რადგანაც გზაზე გამოატარეს.

როდესაც წავა გზები ამ ფანქრის,
გასცდება ამ "ნორმალურთა" ბორდელს.
სიგიჟის პიკში თავსაც არ დახრის,
ამიტომ ლანძღვა-გინება მოსდევს.

როდესაც წავა გზები ამ ფანქრის,
ისევ ნოემბერს მზეს გაუნათებს.
ის ხალხის აზრებს გემიდან გაყრის
და თავის ერთ აზრს მათ დაუმატებს.

როდესაც წავა გზები ამ ფანქრის,
მაშინ მოგვცემს რაც ვერ მოუცია.
ფანქარი თურმე უწყვეტად დაჰქრის
და დაუწყია რევოლუცია.

#გიჟითავისუფალია
#მეტიპოზიტივი