შენთვის მეგობრობა წმინდა მირონია
ჩემთვის ის გამხდარა ბედის ირონია
ბედმა კამათელი ისე გააგორა
მწვერვალზე ასული უკან დამაგორა
ჩემი სიყვარული ურცხვად დაამარცხა
გული მირთმეული მიწას დაანარცხა
ფეხქვეშ გამითელა გრძნობა ნაფერები
არც კი მომისმინა არც კი გამიგონა
მისი ვიყავი დამაინც დამიმონა
თითი დამიქნია ფიქრი ამიკრძალა
სიკვდილი მანატრა ისიც კი არ მაცალა
ჩვენი მეგობრობა არც კი გაიხსენა
ეშმაკს შემაყარა და ჩემგან დაისვენა
უცებ მომეძალა ტრფობის აგონია
ასე თუ უყვარხარ ვინმეს არ მგონია
იქნებ ახლა მიხვდე რაც შენთვის მირონია
ჩემთვის რატომ იქცა ბედის ირონიად.