...ცა არის ლურჯი,
მჭირდება ბურჯი
და სულსაც უჭირს,
ოღონდ ნუ მეტყვით
სიტყვათა სეტყვით:
"ესეც გაივლის!"
ყალბი სიტყვები ეკლებად მივლის!
შავ-თეთრი მარტი ებრძვის ღიმილს,
ხრინწიან ყვირილს,
უცრემლო ტირილს,
..და ეს მადარდებს!
რომ სულის კაწვრა დააკისრეს ეკლიან ვარდებს,
სქელი ნიღაბი თუ გათხელდება -
შევნიშნავ ლანდებს,
მოვეფერები,რაც მუდამ დამდევს:
შიგნით - ღრუბლებს,
გარეთ - ლავანდებს,
დარდების წყობას,
რითმის აწყობას
და ნისლისფერი სულის განწყობას!
ცოდვის წიწვებით
როგორც ცეცხლით -
ისე ვიწვები!
როცა ვწერ ლექსებს-ეს მაძლევს ძალას,
შევყურებ ზეცას -
ნათელს და ხალასს..
თუ არ დამკაწრავს ეკლიანი შავი ვარდები,
და თუ წყვდიადში არ ჩავვარდები,
არ დავსრულდები,
არ განვქარვდები,
არ დავმთავრდები!

პ.ს შიგნით ღრუბლები, წინ - ალუბლები
[H]