- მიწიდან ზეცამდე ამსკდარი გოდებით,
ქუჩიდან ქუჩამდე ნათრევი იმედით,
მხოლოდ არსებობით და არა ცხოვრებით,
შევწუხდი და ასეთ დასკვნამდე მივედი...

- უფალი უბრალოდ სჭირდება მსოფლიოს,
რომ უსაშინლესი ცოდვები აჰკიდონ,
რომ მისი სახელით ბრძოლები გამართონ,
რომ მისი სახელით სიკეთე გაყიდონ.

- რომ მისი სახელით გამდიდრდნენ მავანნი,
და მერე ღარიბებს მიუგდონ იმედი,
იქ ცაში, მემგონი არ ცხოვრობს არავინ,
ვიფიქრე და ასეთ დასკვნამდე მივედი...