საით მივყავარ ამდენ ფერებას
რა სასწაული ბედი მქონია
ღვთის წმინდანისგან განებივრება,
სიზმარია და ცხადი მგონია?
ცრემლები უკვე თითქმის გამიშრა
გული თავს მაინც მარტოს შეიგრძნობს
ვერ მოითმინა მისკენ დაიძრა
უნდა დარწმუნდეს ნახოს შეიცნოს
იქნება რაღაც ისე არ არის
დიდ სიყვარულს ხომ ასე ჩვევია
ის უფაქიზეს სიმებზე გადის
მუდამ ანგარიშ გასაწევია
მცირე შეცდომაც ტკივილს აყენებს
თუმც იგი მისთვის წარმავალია
არ გაიჩერებს წყენას არც ეჭვებს
მას გავუფრთხილდეთ ჩვენი ვალია
მაინც სიმშრალის გრძნობა მაქვს თითქოს
თუმცა მადლობას მივაგებ უფალს
მცირე წყალობა გულს უცხოდ მითბობს
გვირილის მზერა და აცხრობს სულსაც