ხედავ უეცრად როგორ დაცხა სიგრილის შემდეგ
ბოდიში ნაღდად, ასეთ ზაფხულს მე ვერ ვიხსენებ
ზოგი ზღვაზეა არ იციან როგორ მოიქცენ
აცხელდებაო ჭკვიანები მთაში გაიქცენ
არც წვიმს, და მიწას ნაპრალებში ალმური ადის
პურის ყანები ჩაგვექცაო, როგორც ყოველთვის
გლეხის ამინდი მე არ ვიცი ოდესმე არის?
ზოგს მოსავალი უფუჭდება წვიმას მოელის
ვის რა ადარდებს, ჩვენს ზემოთ კი
ქვეყანა იწვის
კაცობრიობა კიდევ ერთხელ გადაირია
უცნაურ ზაფხულს არ ირწმუნეს რომ ვთქვი ეს იწვევს
მშვიდობამ ამდენს ვერ გავძლებო და აირია
ვხედავ ხასიათს როგორ გიცვლის
ცვალებადობა
ხან ღრუბელია ხან მზე არის მეტყველ თვალებში
როცა ბრაზდები შენზე ფიქრი სახიფათოა
გადაიკარებს გამინათებ უკუნ ღამეში
ომია ახლოს მონაბერი სულებს გვიტოკებს
ბოლო დროაო ჩვენი ბრძენნი ეჭვობენ ფრთხილად
მძიმე დღეებში ჩემს გვერდით ხარ
მახსოვს იცოდე
ალბათ ამიტომ შენთან ყოფნა ესოდენ მინდა!