მოხვალ თუ არა


დღემდე არასდროს არ მიფიქრია,
რა იქნებოდა რომ არ მენახე,
გავაგრძელებდი ალბათ ცხოვრებას
წყნარად და მშვიდად როგორც შენამდე.

შემოიჭერი ქარიშხალივით,
ერთად არიე სულის სიმები,
ჩემთვის მზე მაშინ ანათებს მხოლოდ,
ყოველთვის როცა შენ იღიმები.

ბედნიერი ვარ როცა გიყურებ,
თუნდაც შორიდან, ჩუმად გხედავდე.
და ამ მოპარულ, ყოველ ღიმილზე
გული სულ უფრო, მეტად ღელავდეს.

რა იქნებოდა რომ არ მენახე,
არ მიფიქრია ამაზე, არა
ალბათ არასდროს დამღლიდა განცდა,
ფიქრი იმაზე მოხვალ თუ არა.