ნუთუ რამე დავაშავე, რომ მიყვარდი ძლიერ, განა?
ჩემი გულის სწორს გიწოდებ, გამიყარე გულში დანა.
ჩვენი ერთად ყოფნის წლები ილუზიით გადაფარე,
ბოლოს, როცა დამასუსტე, სიმართლე კი ამაფარე.

რატომ უნდა ვისჯებოდე და ვკვდებოდე მე ამ
გრძნობით,
მე უბრალოდ შენ მინდოდი, მე ვიწვები შენი ტრფობით.
მოხვედი და ამირიე თვით ცხოვრება არეული
ამ ტკივილსაც ვეღარ ვუძლებ, გავხდი ღამით მთვარეული.

შენ მოხვედი, ჩამიხუტე და აიღე ჩემი ხელი
მითხარი, რომ აქ დარჩები, მე კი დღემდე ისევ გელი.
მოგონება არ მასვენებს,ჩემთვის დღესაც კი ბნელდება,
ნეტავ ჩემი ეს განცდები, ოდესმე თუ განელდება.

მე მოგეცი ჩემი სული, შენ კი ის არ ჩაიბარე,
შენ არჩიე სხვა გზით სვლა და არ გიყვარდი, დაიბარე.
ჩვენი ერთად ყოფნის წლები ილუზიით გადაფარე,
ბოლოს, როცა დამასუსტე, სიმართლე კი ამაფარე.