მე დიდ ქალაქში გზები მერევა
და მარტოობის მაქვს მძაფრი განცდა.
ახლა წვიმების ამინდებია
და დიდ ქალაქში არა ღირს დაცდა....

ბედნიერებას აქ ვერ იპოვნი...
აქ ცაც არა ჩანს,
მზეც სხვა ფერია...
და ღამეს ცაზე მთვარის ნამსხვრევი,
როგორც თილისმა შემორჩენია....

გზები გრძელია ამ დიდ ქალაქში,
ეს ოკეანე ხალხით სავსეა.
მე შენ დაგეძებ, გიხმობ გეძახი...
ახლა დილაა... და ჯერ ადრეა....

და თუკი კი მოთოვს ამ დიდ ქალაქში,
ნაცრისფერ ფიფქებს დააფენს გზებზე....
მე შენზე ვფიქრობ,
მთვარის ნატეხზე,
ქალაქის ცაზე,
ამღვრეულ მზეზე....

დიდი ქალაქი ოკეანეა.
სევდების ფსკერზე ღუზად ვაბივარ...
მუსიკას ვუსმენ, გარდასულ მზეზე...
და ტალახიან თოვლში დავდივარ....

ვე რა