კალამი ერთი, ფურცელი თეთრი
უნდა ისწავლო, შავი და თეთრი
სამყარო ერთი, მრავალი ერი
არ აურიო! სტუმარი, მტერი.

ცხოვრება ერთი, სახელი შენი
აკეთე მადლი, გაეცი ბევრი
ქვეყანა ერთი, ლამაზი, ძველი
გინდა სიმართლე, იკითხე ბევრი.

ოცნება ერთი, თეთრი და წრფელი
ყველას მშვიდობა და მჭადი ხმელი
ოჯახი ერთი, ბუხარი, ცეცხლი
ბებია ტკბილი, ბაბუა თბილი.

კაცი ვარ ერთი, სიტყვაა ჩემი
ვიქნებით ერთნი და გადავრჩებით
საკანი ერთი, ცივი და ბნელი
წამართვეს წლები, არ დავნებდები.

ერთია ერთი, სიმართლე ბევრი
ჩემთვის ცუდია და შენთვის კარგი
ღმერთია ერთი, რწმენაა ბევრი
გიყვარდეს ყველა, ცუდი და კარგი.