გრძნობების ფეირვერკი ხარ
შემწყნარებელი, მფარველი
ლამაზიცა ხარ, ფეთხუმიც
მშვენიერი და უშნო ხარ.

მადლის ქმნისაკენ ისწრაფვი
ბედნიერების შემქნელი
მდიდარიცა ხარ, ღარიბიც
ჭკვიანიცა და სულელი.

უდიდეს ზრუნვასაც იჩენ
ზნეობრივ სრულყოფისაკენ
ნაზიცა ხარ, უხეშიც
უმეცარი და ბრძენი ხარ.

ფილოსოფოსი, პოეტი
მამაცი სამართლიანი
მოკვდავიცა ხარ, უკვდავი
ციურიცა ხარ და უხამსი.

მშვენიერებას აღმერთებ
უკვდავებისკენ მიილტვი
ჰარმონიულად შერწყმულა
გენიოსი და რეგვენი.