ახლა აღარც მთვარეა
აღარც შენ ხარ არქტურუს....

არაფერი არ მინდა
არაფერი არ მართობს
ახლა მხოლოდ ომი ვარ
ახლა ვებრძვი სამყაროს

ნეტავ შენი ჯერია?
თუ მე დამელოდები?
ახლა მხოლოდ ქარია
ქარია და ომები

იცი მითხრეს ცუდი ვარ
იქნებ სწორედ ასეა?
დიდად აღარ მადარდებს
რადგან ჩემშიც ღამეა

იცი ჩემო არქტურუს
ახლა ოთხი სრულდება
შენც ხომ იცი რაც მიდის
ისევ უკან ბრუნდება

ხამურია ქუჩაში
ხო ისინი მოვიდნენ
გაიცინე არქტურუს
შენს სიცილსაც მოვითმენ

არ მადარდებს რატომღაც
უგულობა შემხვედრის
მხოლოდ შენ არ დაუშვა
შემენაცვლოს შემდეგი

ახლა ჩემო ვარსკვლავო
იცი ახლა რა მინდა?
მეც დავსრულდე თუ შენთვის
დასასრულის წამია

ახლა ცაზე შენს ადგილს
ფარავს მუქი ღრუბელი
ამჯერადაც იტირებს
ერთი გოგო სულელი

ცაზე არ ხარ არქტურუს
ახლა მხოლოდ დარდია
ვიცი ახლა მიხსენებ
ხო ქარია ქარია....

ვე რა