ისეთი მზეა, ზამთარში რომ
ტერფებს აგიწვავს,
სისხლს აგიჩქროლებს და მოგანდომებს
ფეხსაცმლის გახდას.
ისეთი მზეა, თითქოს ზაფხულს ზამთრის ვალი აქვს
და მზის სხივებით აპირებდეს
ხარკის გადახდას.
ისეთი მზეა, სულს არ უნდა
ხორცში დარჩენა.
მხოლოდ ფრთები და მზის სხივებზე
შევლება ხელის,
დღეს ყველა სურვილს უწერია ალბათ ახდენა,
თუ მოინდომებს უპოვარიც გახდება მეფე.
ისეთი მზეა, ზამთარში რომ ტერფებს აგიწვავს
და გაიძულებს ფეხშიშველმა
თოვლზე იარო.
ისეთი მზეა, მოგინდება გულში ჩაგიკრას,
მეტი რა გინდა
სიყვარულისთვის ადამიანო?!

31.01.2025