ფრთები ზურგჩანთაში

სიგიჟეს მაბრალებ,
ამბობ, რომ ფრთები მაქვს.
ზურგჩანთას ხშირად და ფარულად ამოწმებ
და ეჭვი მიჩნდება, რომ ჩემი სიგიჟე
არის ჯოჯოხეთიც და შენი სამოთხეც...

ამბობ, რომ ახლა მე საოცრად მშვიდი ვარ,
თან თვალებს, მზისფერებს, რატომღაც მარიდებ.
მე შენი სურვილი მაწამებს ახლა და
სიგიჟე სრულებით მამშვიდებს, გამიგე.

ამბობ, რომ მელოდი, მაშინვე მიცანი
და თანაც არ იშლი, ჯიუტობ: გიჟი ხარ!
მე ასე მიცილებ, წადიო! ჩურჩულებ.
მაგრამ მე გიჟიც და ჭკვიანიც მინდიხარ...

სიგიჟეს მაბრალებ, და ჩემს ფრთებს დაკეცილს
არ იმჩნევ, იღიმი წამლების ნისლიდან.
სურვილად მრჩები და ვაბრალი სიგიჟეს,
ზურგჩანთას იღებ და სიზმრიდან მიდიხარ...

ვე რა