Chocolate

გუშინ, 23:46

ავტორი lullaby

ნანახია 4

შემოაღწიე ისეთი ძალით,
ისეთი ქარით მოხვედი ჩემში...
წარსულს მიმაგდე უკუნით ღამით,
ჩემმა ზრახვებმა მომხარეს მხრებში.

ჯანდაბა! მინდა, მინდა გატკინო,
ისე გატკინო, სული დაგემსხვრეს.
გიყვირო მინდა, მინდა გატირო,
ვეღარ სუნთქავდე, ისე გათენდეს.

ზიზღი მომიცავს მთელი არსებით,
ვისკის ჭიქაში ვლანდავ იმედებს,
დღეს გავერთობი შენი წამებით,
ხვალ შენი ცეკვა გამომიყენებს.

აგედევნები, ჩრდილივით მოვალ,
შენს სურვილებში ავხლართავ ტუჩებს,
მდუმარებაში გაგყიდის ოხვრა,
ლტოლვა მოიცავს დაბინდულ ქუჩებს.

სურვილი მხრებზე, მუცელზე, მკერდზე,
მანიაკივით მანდომებს შენს თავს,
იქნებ ქოლდფლეიმ გადაგვარჩინოს,
იქნებ შევიგრძნოთ, რასაც ვერ ვბედავთ.

სურვილი შენი ჭკუიდან შემშლის,
გაგინაწილებ უნაზეს ცოდვას,
ტკივილი ყოველ ნაბიჯზე მებრძვის,
სუნთქვა ჩემს ყელთან მილებეს ძროწლას.

გავები, შენში ისე გავები,
მანძილი ალბათ შუაზე გამგლეჯს,
კედლებს მივწერე სევდის წამები,
ფანქარი ხატვას არაფრით არ წყვეტს.

გამომეცხადე, იქნებ გავცოცხლდე,
შენი შეხება ისე მაკლია,
სითხე მაგ კანქვეშ მე რომ მაგიჟებს,
სისხლი კი არა, შოკოლადია.

თამთა დემეტრაშვილის ისტორიისთვის "Chocolate"