ვილაპარაკოთ

ვილაპარაკოთ, მოდი ბევრი ვილაპარაკოთ.
მოვყვეთ ზღაპრები
ფერადები,
ოცნებით სავსე.
რომ ამ საუბრით ამოვიღოთ დარდი სკივრიდან
და ეს დუმილი დავამსხვრიოთ,
დარდების მახე.

ვილაპარაკოთ, სანამ ღამეს აისი შეცვლის.
სანამ ფიქრები არ გახდება კამკამა წყარო.
ვილაპარაკოთ,
ყველაფერზე,
თუნდაც ტკივილზე
და განთიადის სილამაზე უსიტყვოდ ვნახოთ.

და თუ ვერ შევცვლით ამ სამყაროს მხოლოდ საუბრით,
არაფერია, სულაც არ ღირს ამაზე დარდი...
ისიც იკმარებს, რომ ეს ღამე ისევ გათენდა
და მარტოობის ნაცვლად
თუნდაც ამაღამ მყავდი....

ვე რა