სამყაროს ფერები იცვლება
დიდი ხნის ძიების შემდეგ პოულობ მას, ვისაც ეძებდი
ხარ ბედნიერი, როგორც არასდროს
და
შენში რაღაც იცვლება
შენ ხვდები, რომ იპოვი ისეთი ადამიანი, რომელიც შენთან იქნება.

ჩვენ შევხვდით, მაშინ, როდესაც ყველაზე მეტად გვჭირდებოდა ერთმანეთი.
გვტკიოდა.
ბინძური ადამიანებისგან განადგურებულებმა - სიმშვიდე ერთმანეთში ვიპოვეთ.

გათენებამდე საუბრობდნენ.
საუბრობდნენ ყველაფერზე
სიყვარულზე
ბედნიერებაზე
უბედურებაზე
ცრემლზე
ყველა'ფერზე
სიკვდილის გარდა.

-მელაპარაკე.
მელაპარაკე, რა
სანამ დრო გვაქვს.

"მსგავსი დღეების უსაშველო დარჩა ატანა,
დეე, გადაწყდეს ისე როგორც ღამემ განაგოს,
მოდი ჩემთან და ამ დუმილის გასაფანტავად,
თუნდაც სულ მცირე, ამინდებზე ვილაპარაკოთ.

ვილაპარაკოთ - როგორ ფეთქავს დილა კვირტივით,
წვიმის წვეთებში მზის სხივები როგორ ეტევა,
იცი, მე ახლაც შარშანწინდელ ამინდს მივტირი
და ეს ტირილიც მენანება გასამეტებლად.

ვილაპარაკოთ, შენს უმანკო სულთან მიმიშვი,
თორემ დრო ცდილობს სურვილები თავად ალაგმოს,
ვილაპარაკოთ - სიყვარულზე მთელი სიგიჟით
და მოდი მერე სიგიჟეზე ვილაპარაკოთ.

ვილაპარაკოთ, დანარჩენზეც, ბევრი მხილებით,
სხვებს როგორ უყვართ, როგორ სძულთ ან როგორ ელიან,
როგორ არიან ანგარებით ერთად წყვილები
და ანგარება ჩვენთვის როგორ არაფერია -

რადგან პროცესი დასრულდება მაინც გნიასით,
დაგეგმილ გრძნობებს ჩვეულებრივ ვეღარ განაგებ,
ვილაპარაკოთ - ერთადერთხელ პოეზიაზეც -
ან შენ მისმინე და მე მარტო ვილაპარაკებ...

ვილაპარაკოთ - უსაფუძვლოდ, უხმოდ, უმიზნოდ,
თორემ დრო ცდილობს სურვილები თავად ალაგმოს,
ვილაპარაკოთ, მაგრამ მოდი ისეც ნუ ვიზამთ,
რომ არაფერი აღარ დაგვრჩეს სალაპარაკო."

დასრულდა.

ადამიანები მიდიან.
ამ ბინძურ სამყაროში
ბინძურ ადამიანებთან ერთად გვტოვებენ.
გვღალატობენ.
განა ღალატად არ ითვლება
სხვა სამყაროში, რომ მიდიან
და
მიწას ებარებიან?
არაფერი რჩება მათგან
მხოლოდ
საფლავის ქვა, რომელიც ყოველთვის ცივია.

დრო არავის ინდობს.

"მე ჩემს ბინაში მიპოვნიან გარდაცვლილს პირქვე...
ანდა იქნება გაცილებით უფრო მარტივად."

მჯერა
ერთმანეთს ისევ შეხვდებიან.
შეხვდებიან, როდესაც
ბინძური ადამიანებისგან იქნებიან განადგურებულები
და
სიმშვიდეს კვლავ ერთმანეთში იპოვიან

დასრულდა.

ლექსის ავტორია - მაიკო ჯანგულაშვილი
(იმავე ავტორის ლექსიდანაა ამოღებული მეორე წარწერა.)