ციდან ვარსკვლავები მომიწყვიტე,
მერე მოწყვეტილებს ხელი ჰკარი.
ძალიან ადრე შეგხვდი მაგრამ,
თურმე რა გვიან შეგიცანი.
გული სიყვარულით ამივსე და
მერე სიძულვილით შემიპყარი.
ღმერთმა დამსაჯა მე ცოდვებისთვის,
ჩემი სასჯელი კი შენ იყავი.
როგორ დამაბნიე სულ ამრიე,
მაგ შავი თვალებით ღვთიურს ჰგავდი,
მე ერთი შეხედვით შეგიყვარე,
შენ კი არასოდეს არ გიყვარდი...
ახლა, ახლა მაინც მიპასუხე,
როცა ჩემგან შორს ხარ, მოცილებით,
ვარსკვლავები რატომ მომიწყვიტე,
გულზე რად დამადე ბორკილები?!...