ურთიერთობების უმეტესობა სპონტანურად იწყება. მამაკაცის მოხიბლვა შესაძლოა არ იყოს რთული, მაგრამ მისი შენარჩუნება ნამდვილად არ არის მარტივი. გთავაზობთ 10 რჩევას, რომელთა გათვალისწინების შემდეგ, პარტნიორისთვის იდეალურ ქალად იქცევით.

1. თუ გსურს, რომ შენზე დამოკიდებული გახდეს, შენ არ გახდე მასზე დამოკიდებული

მამაკაცებს უყვართ იმაზე საუბარი, თუ როგორ უხდება ქალს სინაზე. როგორი მზრუნველი უნდა იყოს სუსტი სქესის წარმომადგენელი, მაგრამ სულის სიღრმეში ისინი ასეთ ქალებს პატივს არ სცემენ. რაც უფრო მეტად გადაუსვამ თავზე ხელს და გაანებივრებ, მით უფრო ნაკლებად დაგაფასებს. დაიჭირე ოქროს შუალედი.

2. მოიქეცი ისე, თითქოს მისი დაკარგვის არ გეშინია

არ შეიცვალო მის გამო! თუ ის ამბობს, რომ მოსწონს ქერათმიანები, ნუ გაიქცევი სალონში და ნუ შეიღებავ თმას ქერად. თუ დაინახავს რომ მის გამო ყველაფერზე ხარ წამსვლელი, დაინახავს იმასაც, თუ როგორ არ გაღელვებს საკუთარი ცხოვრება.

3. არ შეგეშინდეს კონკურენტების

ამერიკელი ფსიქოლოგი შერი არგოვი წიგნში აღნიშნავს: „თუ ოტახში შემოდის ლამაზი ქალი და თქვენ ეს განევრიულებთ, მამაკაცი აუცილებლად შეამჩვენს განსხვავებას თქვენს ნერვიულ და დაძაბულ მდგომარეობასა და მის სილამაზეს შორის. ის მიხვდება, რომ არ ხართ საკუთარ თავში დარწმუნებული. თუ ეცდებით არაფერი შეიმჩნიოთ, მამაკაცი დააფასებს თქვენს თავდაჯერებულობას და არ მიაქცევს კონკურენტს ყურადღებას.

4. აკონტროლე ემოციები

ხშირად ლამაზი და ჭკვიანი ქალები მარტონი არიან. ამის მიზეზი როგორც წესი მათი ზედმეტად მგრძნობიარე ხასიათია. როდესაც ქალი მამაკაცის საქციელზე ემოციურად რეაგირებს, ამით თავის დაუცველობას აჩენს. როგორც წესი ასეთი ქალების მიმართ, მამაკაცები პატივისცემის გრძნობას კარგავენ.

5. გინდა, რომ შენთან დარჩეს? მაშინ გაუშვი

მიეცი სრული თავისუფლება. ენდე. თუ მეგობრებთან ერთად საღამოს ბარში წავიდა და დიდი ხნის განმავლობაში არ შეგეხმიანა, ეცადე ზარებით არ აიკლო. დაარწმუნე შენი თავი, რომ მის გარეშე არ დაიკარგები. არ გამოკითხო დეტალურად სად იყო და რას აკეთებდა. იყავი თავაზიანი და ყურაღებიანი და ის თავად მოგიყვება ყველაფერს.

6. შეიყვარე შენი თავი

ყოველდღე უმეორე შენს თავს, რომ მიმზიდველი ხარ. წამითაც არ დაუშვა, რომ შეიძლება ცუდად გამოიყურები. წარმოიდგინე, რომ პრიზი ხარ და მას აუცილებლად მოუნდება შენი მოპოვება. იმისათვის, რომ გაგიადვილდეს საკუთარი თავის შეყვარება, მოუარე მას. დაკავდი სპორტით, იცხოვრე ჯანსაღად.

7. ეცადე ყოველთვის ჰქონდეს უკმარისობის შეგრძნება

არ მისწერო გრძელი ესემესები. არ დაურეკო ყოველ დღე, დღეში რამდენჯერმე და არ დათანხმდე ყველაფერზე. გახსოვდეს ყველა მამაკაცი მონადირეა. მას უნდა ჰქონდეს შენი მონადირების სურვილი. ნანადირევი, რომელიც ხელში ადვილად გივარდება, სიამოვნებას ვერ განიჭებს.

8. იხუმრე

იუმორით მიუდექი, როგორც საკუთარ თავს, ისე საყვარელ ადამიანს. მთავარია ზღვარს არ გადასცდე და სარკაზმში არ გადახვიდე. ისწავლე ისეთ რამეზე სიცილი, რაც სხვა ქალებს ანერვიულებს. გახსოვდეს იუმორი სექსუალური გრძნობაა

9. არ იქცე მის დედად

მართალია – ყველა კაცს სურს ცოლი, რომელიც დედამისს გავს. მაგრამ გახსოვდეთ, რომ მოსაბეზრებელია ისეთ ქალთან ცხოვრება, რომელიც ყველაფერს დაგეგმილად აკეთებს და რომლის ქცევები მარტივი გამოსაცნობია. გარდა ამისა მამაკაცს არ სურს, რომ ბავშვივით ექცეოდეთ.

10. ნუ ეცდები მასში მამის დანახვას

ამ შეცდომას ბევრი ქალი უშვებს. ქალი მთლიანად ანდობს თავს მამაკაცს და თავად „პატარა ჭირვეულ გოგონად“ დარჩენას ამჯობინებს, რომელიც მხოლოდ ყურადღებასა და საჩუქრებს ელოდება. არ გაგიკვირდეთ, თუ ასეთ ურთიერთობაში ვნება მალე გაქრება.