დეკემბრის თვე, სხვა რომ არაფერი იყოს, სასიამოვნო ემოციებით აღსავსე პერიოდია, მარტოოდენ იმიტომ, რომ მეტ-ნაკლებად ყველა ელოდება ახალი წლის დადგომას, ახალი იმედებითა და შემართებით.
2015 წლის ბოლო თვე, სასიყვარულო ურთიერთობების კუთხით, განსაკუთრებულად დააჯილდოვებს იმ ხალხს, ვინც გამჭრიახი, კრეატიული და სხარტია; ვისაც ორიგინალური იდეები არ ელევა საყვარელ ადამიანთან ურთიერთობის კუთხით და ზოგადად, მთელი გულით უყვარს ცხოვრება, ეძებს პოზიტივს და ბევრ ღიმილს იმეტებს გარშემომყოფთა მისამართით.
ვერძი
დეკემბერი ვერძების დიდ ნაწილს მოულოდნელ სიურპრიზებს ჰპირდება, როგორც საქმიანი, ისე პირადი ურთიერთობების კუთხით. ძვირფასო ვერძებო, ეს პერიოდი საუკეთესოა ახალი რომანის დასაწყებად, თუმცაღა აუცილებელი პირობა, რომელსაც ამ შემთხვევაში გიყენებენ ვარსკვლავები, არის ის, რომ ეს კავშირი ურთიერთნდობასა და პატივისცემაზე უნდა იყოს დაფუძნებული.
კურო
კუროების დიდ ნაწილს დეკემბერში არაერთი მოულოდნელობა ელის. მართალია, ზოდიაქოს ამ ნიშნის წარმომადგენლები მოთმინებიდან გამოჰყავს მოულოდნელ სიურპრიზებს, თუმცა ურთიერთობა, რომელიც დეკემბერში დაიწყება, მიუხედავად იმისა, რომ შესაძლოა თავიდან იგი ბევრ თქვენგანს აბსოლუტურად უადგილოდ და უპერსპექტივოდ მოეჩვენოს, სამომავლოდ არაერთ ლამაზ წუთს გაჩუქებთ.
ტყუპები
იქნებ დროა გამოფხიზლდეთ? ტყუპების დიდი ნაწილი ხომ ბოლო თვეების მანძილზე მათთვის არადამახასიათებელი მშვიდი ცხოვრების წესით ცხოვრობდა. ამიტომ დეკემბერი ნაყოფიერად იზრუნებს მათი გამოცოცხლების საკითხზე. ვარსკვლავები გირჩევენ, არ შეგეშინდეთ რისკის პირად ურთიერთობაში, გამოიჩინეთ ინიციატივა, მოითხოვეთ კუთვნილი სითბო და ყურადღება, თამამად გადადგით ნაბიჯი სასურველი ადამიანისკენ. ეს ამ თვეში უდავოდ დაგიფასდებათ.