-სანამ დავიწყებდეთ, ერთი კითხვა მექნება შენთან. - თქვა და ხელები წარმოსახვით ბურთს შემოავლო და თითქოს ალდება, უფრო და უფრო მეტად ეფინება ცეცხლი ისე იჭერდა მოშორებით ხელს. - რა უნარი, ან ძალა გექნებოდა, ამის შანსი რომ გქონოდა, რას აირჩევდი, კაცობრიობის დამღუპველ გზას და ისეთ ძალას, რაც გაანადგურებდა ყველაფერს, თუ პირიქით, შენი გზა მათ გადარჩენაზე იქნებოდა ორიენტირებული? - თვალებში შეხედა მამაკაცს და უხმოდ მიაყურადა პასუხს.
-მე ვისურვებდი რომ მქონოდა ძალა, რაც რაღაც საგნების გამრავლებაში დამეხმარებოდა. სიტყვაზე, ერთი რომ მქონოდა და იქიდან ორი გამომეყვანა, შემდეგ ის ორი ერთ ხელში დამეჭირა და მეორეშიც ორი გაჩენილიყო, ზუსტად იგივე. თავდაპირველად ფულის გამრავლებას დავიწყებდი, მსხვილი კუპიურების, ას ლარიანების და მეტი, შემდეგ კი თანხის უმეტეს ნაწილს ღარიბებს დავურიგებდი, რომელთაც სახლკარი არ აქვთ და გარეთ ათენებენ ხოლმე ღამეებს, პირველ რიგში ისინი ბინებს შეიძენდნენ ალბათ, ან თავიანთ შვილებს მოახმარებდნენ ამ თანხას, რომ თბილად ყოფილიყვნენ და მათ არ შესცივნოდათ. ან თუ არავინ ჰყავდა, საკუთარ თავს მაინც მოახმარდა და დამიჯერეთ, სხვა უპოვრებსაც კი დაეხმარებოდა. მე ცხოვრებას სიამოვნებით ვისწავლიდი მათგან და გულწრფელობას, რომელიც თან აქვთ. ასევე, რა თქმა უნდა, თუ უკეთ წავიმუშავებდი ჩემს უნარებზე და მხოლოდ მატერიალურის გამრავლებაზე არ ვიქნებოდი ორიენტირებული, ტანსაცმელის, ფულის, მანქანების ან სახლების გამრავლებაში, რაც თავისთავად ხალხში სითბოსა და სიკეთეს დანერგავდა. აუცილებლად ვცდიდი სიყვარულის გამრავლებას, რადგან ეს ძალიან სჭირდებათ ადამიანებს, გავამრავლებდი, მათ შთავნერგავდი, რომ ერთმანეთი ჰყვარებოდათ და პლანეტაზე საუკუნოდ სიყვარული გაიმარჯვებდა, უკუნითი უკუნისამდე!