ძალიან ბევრი სახის ემოცია არსებობს, მაგრამ მხოლოდ ზოგიერთი მათგანი მოქმედებს ჩვენზე პოზიტიურად.
ყველა ადამიანი მზად არის, "შეისრუტოს" ემოციები, მაგრამ ზოგიერთს შეუძლია იყოს ნეგატივში ისე, რომ ვერ შეიგრძნოს დისკომფორტი.

ზოგიერთი კი, შესაძლოა, ასეთი ნეგატივისგან ისეთ დეპრესიაში ჩავარდეს, რომ ფსიქიკა დაიზიანოს.

თუკი სხვისი ემოციები და განცდები შენზე ძალიან მოქმედებს, მაშინ სავარაუდოდ, შენ ემფატი ხარ.
შენ სხვის ტკივილს საკუთარივით აღიქვამ და სხვისი პრობლემები შენი ხდება. შეწყვიტე სხვისი ემოციების შესრუტვა! ეს 8 წესი დაგეხმარება, გათავისუფლდე სხვისი ნეგატივისგან.

თუკი ზედმეტად გულთან ახლოს მიგაქვს ყველას პრობლემა, შენ ემფატი ხარ. უკვე ფიზიკურად გრძნობ შიშს და სხვის განცდებს მტკივნეულად აღიქვამ, სწრაფად იღლები ბევრი ადამიანისგან. გამუდმებით აანალიზებ საკუთარ განცდებს. ეს ცუდი არ არის, მაგრამ შეეცადე, მინიმუმამდე დაიყვანო იმ ადამიანების ემოციების მოქმედება საკუთარ თავზე, ვინც არც ისე ახლობელია შენთვის.

შეეცადე, განსაზღვრო, სად ან ვისშია ნეგატივის წყარო.

საკუთარ თავზეც იფიქრე. ეგოიზმი ზოგიერთ შემთხვევაში სასარგებლოა, თუკი მას ფსიქოლოგიის კუთხით შევხედავთ. თუ ტრანსპორტში შენ გვერდით დაღონებული ადამიანი ზის, გადაჯექი. ნუ შეგეშინდება ამით ვინმეს განაწყენების. არასასიამოვნო ადამიანებთან მხოლოდ საქმიანად იურთიერთე.

თუ უარყოფითი ემოციებით შემოგიტიეს, შეეცადე, კონცენტრირება გადაიტანო სუნთქვაზე. შეისუნთქე სიმშვიდე და ამოისუნთქე ნეგატივი. გაათავისუფლე თავი შიშისგან და სხვა უარყოფითი ემოციისგან.

ყოველთვის, როცა იმ ადამიანების საზოგადოებაში იქნები, ვინც გულზე არ გეხატება, გონებაში შენ წინ წარმოიდგინე ფურცელი. იფიქრე მასზე, როგორც დამცავ ფარზე, რომელიც ირეკლავს მთელ ნეგატივს.

არცერთ სიტუაციაში არ უნდა იყო დამოკიდებული სხვა ადამიანებზე და არც ვალში უნდა იყო ვინმესთან. დაიტოვე ფული ტაქსისთვის და თუ გსურს კაფედან ადრე წასვლა, წადი, ნურავის დაუცდი.

დაუნიშნე იმ ადამიანს შეხვედრა, ვისთანაც დადებითი ემოციით ივსები. შეისრუტე მისი პოზიტივი. ასევე, უყურე პოზიტიურ და გასართობ ფილმებს. არავითარ შემთხვევაში არ უსმინო დეპრესიულ მუსიკას.

თუკი გსურს განმარტოება, იმაზე უკეთეს ადგილს, ვიდრე ბუნებაა, ვერ იპოვი. ეს შეიძლება იყოს ტყე, ქალაქის პარკი ან პლაჟი. ასეთი განმარტოება ძალიან დაგეხმარება მოდუნებაში.

თანაგრძნობა და სხვისი პრობლემების ზედმეტად განცდა – კარგია, მაგრამ ზომიერად. თუ ზემოთ მოცემულ წესებს დაიცავ, შენი ცხოვრება ბევრად გამარტივდება.