უბრალოდ უნდა ადგე! თვალი უნდა გაახილო და ძალები მოიკრიბო. მაშინაც კი როცა ეს არ გინდა,რადგან სხვა გზა არ გაქვს.
შენ თუ დამარცხდები იცი, რომ ამით მხოლოდ შენს მტრებს გაახარებ და ეს არა მხოლოდ დაგასუსტებს, არამედ საბოლოდ გაგანადგურებს.
იცი, რომ უნდა იბრძოლო, მაგრამ ძალისხმევის მოკრება გიჭირს, რადგან თავს დაუცველად გრძნობ. იცი, რომ მარტო ხარ და დაცემისას არავინ წამოგაყენებს. გჭირდება ვინმეს სითბო იგრძნო თუნდაც მცირე, მაგრამ რაცმთავარია იგრძნო, რომ არ ხარ მარტო და რომ ვინმეს ჭირდები. რომ ბრძოლა ამაო არ იქნება.
გინდა გულში ჩაგიკრან და ის მომაჯადოებელი სიტყვები გითხრან უკვე ნატვრად რომ გექცა. თუნდაც სიმართლე არ აღმოჩნდეს შეგიძლია წამით ესეც დაივიწყო და მხოლოდ იმას ნატრობდე ,რომ როგორღაც ეს სიტყვები გაიგონო. თუნდაც იმისთვის,რომ ცხოვრებას აზრი მიეცეს. მერე თავადაც აღარ იქნები ასეთი უიმედო და როგორღაც თავს აიძულებ გაუძლო.
ზოგჯერ ხომ სულ მცირე იმედის ნაპერწკალიც საკმარისია ცეცხლის გასაჩაღებლად და ზოგჯერ ამ პატარა ნაპერწკალს თავს ევლები,რომ არ ჩაგიქრეს, რადგან მისი დამსახურებით დგახარ დღეს ფეხზე. მხოლოდ იმედის ამ პაწაწინა ნაპერწკალს უნდა უმადლოდე, რადგან ის, რომ არა ვინ იცის სად გაჰფანტავდა ქარი შენი გახლეჩილი გულის ნაწილებს?!
შენ კი უმადურო ახლა დგახარ და იმ წარსულს მისტირი, რომელმაც მხოლოდ ტანჯვა მოგიტანა, მაგრამ მაინც უიმედოდ ებღაუჭები მოგონებებს, რომლებიც ფრთების გაშლასა და ცაში აჭრას ლამობენ. დიახ , მათაც სურთ თავისუფლება,რადგან დაიღალნენ ამდენი იმედგაცრუებით . მათაც სურთ ბედნიერება. წყვდიადმა დაღალათ და ახლა მხოლოდ ერთი რამ აკავებთ და ეს შენ ხარ!
ხო, შენ უსუსური და საცოდავი არსება,რომელიც განადგურებულია და სასურწარკვეთილი ჩაბღაუჭებია იმ ერთადერთ ლენტს, რომლის გაშვების დრო უკვე დადგა. ახლა მხოლოდ ძალა უნდა მოიკრიბო და ფრთხილად, ნელ-ნელა მოაშორო დაძაბული თითები წარსულთან დამაკავშირებელ იმ უწყვეტ ლენტს, რომელიც ახლა უნდა გაჭრა. ვიცი შენ შეძლებ ამას!
აი ხომ ხედავ შეძელი! ახლა ისღა დაგრჩენია უყურო ზეცაში აჭრილ , ლაღად მოფარფატე იმ ტკბილ მოგონებებს,რომლებსაც შენ თავისუფლება მიანიჭე. ახლა ისინი ვეღარასოდეს შეგიშლიან ხელს და შენ არ დაგწყდება გული. დარწმუნებული იყავი არ ინანებ, არასოდეს მოგენატრება ისინი, რადგან უკვე აღარ გჭირდება. შენ ის აღარ ხარ ვინც იყავი. ახლა სულს სხვა ადამიანი ხარ,რომელმაც ოქროს კალმით მოგონებათა ახალი წიგნი უნდა შეავსოს.