შესვლა
რეგისტრაცია
რეკლამა

მზესუმზირები და მზე


9-03-2019, 01:32
ავტორი ილაი
ნანახია 8 114

შემაღლებულ მთა-გორზე ხის პატარა, ერთ ოთახიანი სახლი იდგა, ფანჯრებზე შავი ნაჭრები იყო ჩამოფარებული. სახლის კარი ღია იყო, ოთახს მხოლოდ გარედან შემოსული მზის ყვითელი სხივები და ყვითლად მოციმციმე, პატარა ნათურები ანათებდა. მთელს ოთახს კენკრის ჩაის სურნელი ჰქონდა მოდებული. ზუსტად კარის ზღურბლზე ჰქონდა გოგონას სარწეველა სკამი დადგმული, აქეთ-იქეთ ირწეოდა ნელ-ნელა, ჩაის ჭიქისთვის ორივე ხელი შემოეხვია და უკვე მის თითებშიც გამჯდარიყო კენკრის არომატი. ღრმად შეუშვა ფილტვებში სასურველი სურნელი, ნეტარებით მოსვა ერთი ყლუპი და უკვე ტრადიციული აღრფრთოვანებით მიაშტერდა მზის ჩასვლას მზესუმზირების თავზე. ბოლო გაბრძოლებასავით იყო მზის სხივების უკანასკნელი მოალერსება მზესუმზირის ფურცლებზე. უფრო მეტად ოქროსფერდებოდა მისი ფურცლები მზის ჩასვლისას. მთელი ძალით ცდილობდა ღრუბლებამდეც მიეღწიათ მის სხივებს, უნდოდა ყველა და ყველაფერი, თბილ ყვითელში ჩაძირულიყო. ყოველ ჯერზე ახერხებდა ამას, თუმცა, მხოლოდ, დღის უკანასკნელი სხივების გაქრობამდე.
კმაყოფილი ღიმილით შესცქეროდა გოგონა ამ სანახაობას, ბედნიერების ზედმეტად დიდ ტალღებს გრძნობდა მის გარშემო, თითქოს მის სულშიც შეეღწიათ მზის სხივებს და მისი ტკივილი აღარ იყო ისეთი შემზარავი როგორიც დანარჩენ დროს, ირგვლივ ყველაფერი ყვითელში იძირებოდა, მისი ჩათვლით.
აქეთ-იქეთ ირწეოდა ნელ-ნელა, თვალებ დახუჭული უსმენდა მზესუმზირებს, ქარის ყოველ დაბერვაზე მელოდიურად რომ ირხეოდნენ. თბილი ნიავი თმაში სასიამოვნოდ დაჰქროდა და მხრებსა და კისერზე პატარ-პატარა კოცნებს უტოვებდა.



№1  offline წევრი sunriseN

ჩემამდეც მოაღწიეს მზის სხივებმა...ვიგრძენი მზესუმზირების ნელი შრიალი და ჩავიძირე ყვითელ ბურუსში... ძალიან ლამაზად წერ,მომეწონა

 


№2  offline წევრი ილაი

sunriseN
ჩემამდეც მოაღწიეს მზის სხივებმა...ვიგრძენი მზესუმზირების ნელი შრიალი და ჩავიძირე ყვითელ ბურუსში... ძალიან ლამაზად წერ,მომეწონა

ძალიან დიდი მადლობა

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent