უკვე რამოდენიმე დღეა ჩემი ,,გაურკვეველი მდგომარეობის'' კვირა დაიწყო, ვერ დავარქმევდი ამას ბიპოლარულ აშლილობას, მიუხედავად იმისა რომ დაგუგვლის შედეგად აღმოჩენილი სიმპტომები სრულიად ემთხვევა ჩემს მდგომარეობას, როგორც ჩანს ამჟამად მანია და ჰიპომანია მჭირს, რომლის კონტროლიც წარმოუდგენლად მეჩვენება. ეხლა ლეპტოპის წინ ვზივარ და უსაზღვრო ბედნიერებას ვგრძნობ, რაც ყველაზე მთავარია ამ ემოციას წინ არაფერი უძღვის, არაფერი მომხდარა, რასაც შფოთვამდე მივყავარ.
ეს ყველაფერი სასაცილოა, ვიღაცას ახლა შეიძლება ძვირფასი საჩუქარი აჩუქეს, მაგრამ უბედურია, მე კი არაფრით ბედნიერი, თითქოს ამ ადამიანს თავისი წილი ბედნიერება წავართვი, მაგრამ არა იმდენად მოზღვავებულ ბედნიერებას ვგრძნობ შეუძლებელია ერთ ადამიანს ეკუთვნოდეს, ალბათ ერთზე მეტი ადამიანის შეგრძნებები მოვიპარე..
ამ მდგომარეობას კიდევ უფრო სასაცილოს ხდის ის ფაქტი, რომ ეს ბედნიერების შეგრძნება მართლაც არაფრისგან მოდის, რომელიც გონებას მირევს, მძაგს ეს შეგრძნება, ყველაზე მეტად მეზიზღება, საინტერესო გაკვეთილია, როგორც ჩანს დაუმსახურებლად მიღებული ბედნიერება არ გერგება, უბრალოდ არაფერი მოდის, ბედნიერებასაც დამსახურება სჭირდება.. ამ მდგომარეობაში კი ვხვდები, რომ ზედმეტი ბედნიერებაც კი არ ვარგა.. :)