ჩემი ისტორია დაიწყო ძალიან ცუდად და გაგრძელდა ასევე ცუდად. 17 წლის ასაკში წვეულმა პირველმა სიყვარულმა იმხელა დაღი დაადო ამ გავლილ წლებს, რომ უკვე მჯერა-ესაა ჩემი ბედისწერა.
მაშინ არ გამომივიდა, ვერ შემიყვარა, მე შეყვარებული დავრჩი და დღემდე შედარებებს ვავლებ მასსა და ჩემი ცხოვრების ახალ წვეულებს შორის.
არ ვიცი როგორ ავხსნა, არსებობს თუ არა ფენომენი 2 სიყვარულის შესახებ? ის პირველი ხომ ჩემი გულის 3/4-ს დღემდე იკავებს, მაგრამ ეს ახალიც რომ იმ დარჩენილ ნაწილშია მოკალათებული ის მაგიჟებს.
თითქოს 2 კაცი მიყვარს, ორი ერთმანეთისგან განსხვავებული ადამიანი, როცა ჩემთანაა მეორეს ვაღმერთებ და როცა მარტო ვარ პირველს. 11 წლის წინ, რომ გრძნობამ დამიპყრო, იმის პპატრონს დღემდე ინსტრაგრამზე ვსტალკავ და ეს აგერ მყავს, გვერდით, შემიძლია ნებისმიერ დროს დავეკკონტაქტო და მაინც არაა ჩემი.
ახლა მოგიყვეთ მეორე სიყვარულს ყველაზე არარომანტიული ისტორია.
2019 წლის ერთი მძიმე დღეა რეანიმაციაში(ჩემი სამუშაო), პრაქტიკანტი მივიღეთ. შავგრემანი ბიჭი, ჩემზე ერთი წლით უმცროსი, კეხიანი ცხვირით, მოშვებული წვერ-ულვაშით, 1.83სმ სიმაღლის, ალბათ 60 კილო, დამფრთხალი თავლებით და უაზროდ თხელი ტუჩებით. აი რომ იტყვიან ჯამს თავსახურიო ისე შევეწყვეთ ერთმანეთს და გავხდით განუყრელები. პროფესიული თვალსაზრისით ძალიან ბევრი რამ ისწავლა ჩემგან. მეგობრობა გვქონდა იდეალური. საერთო ინტერესებით სავსე. ერთმანეთის დეტალებს ვეცნობოდით და უფროდაუფრო უახლოვდებოდა ჩემი სული მისას.
რაღაც მომენტში მის მორიდებულ ქვეცნობიერს სითამამე რომ შეემატა გავხდით საყვარლები. ნუ როგორც კაცების უმრავლესობას სჩვევია-პასუხისმგებლობების გარეშე, რაშიც სიყვარულის არ არსებობა იგულისხმებოდა. მაგრამ მე ხომ გული მაქვს ქარაფშუტა და პირველივე ღიმილზე მომიკალათდა ყველაზე ღრმა კუნჭულში. იმ ჩემი პირველი სიყვარულიდან მორჩენილი იარები დამიამა და მომიშუშა ჭრილობები, სანაცვლოდ მე ჩუმად ვაგრძელებდი შეყვარებას და რაღაც მომენტში რომ მივხვდი აი აქ დამერხათქო იფეთქა ჩემმა პირდაპირობამ და მიყვარხარმეთქი ვაჯახე. ამას მოჰყვა ურთიერთობის გაფუჭება, ცოლის მოყვანა, კავშირების გათიშვა, ცოლთან გაშორება და აი დღეს 2025წლის 15 მარტს ის ისევ ჩემს წინ ზის, ეშმაკებით თვალებში და თითქოს ისევ მე მიწვევს პირველი ნაბიჯის გადასადგმელად.