კვნესის როიალი
სადღაც გარიჟრაჟზე
ზღვაზე ბოდიალით
ფიქრია მჭირვალე,
ყოველდღე იგივე
სიმსივნედ გედება
გუშინ მეც ვიტირე
შორს დამებედება
წასვლა, რომ გავცდები
მთელ ამ სამყაროდან
გავაღწევ, დარდები
უცებ გამაქრობს და
რად მინდა ვარდები
რად მინდა ვერ ვხვდები
თითქოს და უფალო,
მოვდივარ, მე ვკვდები.
არავის სჭირდება
ნუგეში და დგომა
არავის სწყინდება
უტყვი შემოდგომა,
ფოთოლთა ცვენები,
ბუნების ტირილი,
როლები, სცენები
თუ ძველი ფირივით
ნატანჯი გულისთქმა
ფიქრების ტალონი
იცლება შურისგან
გრძნობების გალონი.
გახსოვდეს არც მე მაქვს
სავსე პოზიტივი
რაც უნდა დამერქვას,
ზურგზე მაქვს ხურჯინი,
აღარ მაქვს ხალისი
ცხოვრების ბოლომდე
და მარტის დაისით
მზეს უნდა ცოლობდეთ,
თუ არც გამოჩნდება
უმოქმედო აზრი
დახატავს განგება
ამ კალამით ბასრით.
ალბათ პოზიტივის
სულ ბოლო ყლუპია,
რაც მე საუზმის წინ
დილით მიყლუპია,
თუ გარდავიცვალე
სახეზე მოწყენით
ნუ ფიქრობთ, ვიწვალე
დროც მქონდა მოლხენის.
მელანი არ მრჩება,
სრულად ვთქვა სათქმელი
მაგიჟებს დამყვება
სიგიჟის სახელით,
ფურცლავენ წარსულის
გაჩენილ იარას
ღრმავდება სულ უფრო
მორჩენით კი არა.
ვიდექი კლდის პირას,
ამას წინ სულ მარტო
ან გადავხტები ან
გელი შემაკავო,
ხალისი კი უცბად
სიტყვით, რომ გადადო,
და ამ სრულ ქაოსში
თავი არ დავკარგო.
კვნესის როიალი
მთვარის ამოსვლისას
ფიქრში ბოდიალი
დაუკრავს სონატას,
მაგრამ სამწუხაროდ
მე დრო აღარ მრჩება
მივდივარ, უქაროდ
ამინდიც ბერდება,
ვეღარაფერს შევცვლი,
მეტს ვეღარ ვიცხოვრებ
არჩიეთ სულს ვერცხლი
ქონებას გიბოძებთ
თავს შევაფარებ აქ
ვიღაცის ჩრდილის ქვეშ
პალმა მეფარება,
მაღლაც ვერ მივიწევ,
გული მეკმარება
სახე მაქვს შეშლილი,
მაინც მეყვარება
მე შენი სიცილი,
თავს ვიზღვევ რომ მერე
არ ჩავძირო გემი,
ამიტომ დღეს მოვალ
ხვალე კი წავედი.
მეც არ ვარ სულ სავსე
პოზიტივის გუდა
რამდენიც არ ვავსე,
იცლება ცდა მუდამ,
ჩემ გვერდით იყავი,
ბედმა მოგიყვანა
ჯერ ხო ვერ მიცანი,
თუმც ბედია ლანა.
ისევ სიშორეზე
კვნესის როიალი
მე მსურს კი წვიმაში
შენთან ბოდიალი.

პ.ს.
ამას ყოველთვის ვაყოლებ ხოლმე რა ვქნა. ეს იმ ადამიანს, ვინც რაც არ უნდა ცუდ ხასიათზე ვიყო (და ეს ლექცის ვფიქრობ პოზიტიურად არ დაწყებულა, მაშინ ასეთ ხასიათზე ვიყავი) მაინც რომ მისწორებს და კარგ გუნებაზე მაყენებს. ყოველთვის!
მას ეს შეუძლია...
ეს ლექსი ეძღვნება ლანას.
ამ საიტზე კი მომხმარებელს: choco - ს. ან იგივე dream girl -ს ვუძღვნი დიდი სიყვარულით.
ეს შენ ანგელოზო. (ჩემო ჯერ ხმამაღალი ნათქვამი იქნებოდა :დ )