ორჯერ ორი ოთხია და
ვითვლი ნაბიჯებს,
ამოცანები ამოხსნას
კი კვლავაც ითხოვენ
დახაზულ წრფეზე ერთ
წერტილზე შუქი ჩამიჭრეს,
და ნაშთად შემრჩა
უსასრულოდ სამი წერტილი...

მაგალითები ამოვხიე
შენი წიგნიდან,
და ერთ სიყვარულს მივუმატე
ორი სხეული ჰო,მიღებული
ჯამი კიდევ გაგინაწილე,
ჩვენ ორის ირგვლივ,
უჯრებია გადაწეული...

ორჯერ ოთხი რომ
გამოვთვალე გადავაბიჯე,
წაქცეულ რვიანს უსასრულოს
ფორმად ვიტოვებ,
მე თუ წავედი დამიჯერე,
ვეღარ დამიჭერ,
ხარ მანძილების
დათვლას უკვე გადაჩვეული...

სამიათასჯერ ნათქვამი მაქვს
უკვე "მიყვარხარ",
მემილიონედ მეკითხები
"ხომ არ მაციებს"
ნუ გეშინია გულში მაინც
აღარ ვინახავ,
გამოცანების ამოუხნელ
გრძნობის ნაწილებს...

ორჯერ ორი ოთხია და
ვითვლი ნაბიჯებს,
ამოცანები ამოხსნას
კი კვლავაც ითხოვენ
დახაზულ წრფეზე ერთ
წერტილზე შუქი ჩამიჭრეს,
და ნაშთად შემრჩა
უსასრულოდ სამი წერტილი...