-არ ემონო წარმავალს,
და ვიწრო გზით იარე,
-მეუბნება გულისთქმა,-
ლოცვა გააძლიერე.
ნუ ენდობი მიწიერს,
ნასაზრდოებს ცოდვებით,
მიჰყევ ვიწრო ბილიკებს,
გაძლიერდი ლოცვებით.
განეშორე ბილწებას,
თავი დაიმორჩილე,
არვის არ დაემონო,
მხოლოდ ღმერთს ემორჩილე,
ნებელობა იმარჯვე,
წაიკითხე ბიბლია,
სიმახინჯის სათავე,
კაცობრივი ხიბლია.
ნუ დაუთმობ ცდუნებებს,
შენი სულის სადავეს,
ვერ მიიღებ კურნებას,
თავს თუ ცოდვებს აბარებ.
სასოების წარკვეთა,
არ გაივლო სხეულში,
თორემ საღი პოზიდან,
გადახტები სნეულში.
არ დაიწყო ბოდვები,
თუ ჩავარდი ცოდვაში,
ფუჭი თავის მართლება,
ხელს შეგიშლის ლოცვაში.
-არ ემონო წარმავალს,
და ვიწრო გზით იარე,
-მეუბნება გულისთქმა,-
ლოცვა გააძლიერე.