შესვლა
რეგისტრაცია
რეკლამა

და შენ მხეცივით აგტკივდება, რომ სხვისი მქვია.


1-08-2017, 14:22
ნანახია 392

და შენ მხეცივით აგტკივდება, რომ სხვისი მქვია.

ასე მგონია სადღაც ვიღაც ზის და მე მიცდის
მივდივარ... და აქ დაბრუნება სულაც არ მინდა.
მე მოვინდომე სულელივით გათელვა იმ გზის,
რომელსაც მუდამ ათოვდა და სევდა აწვიმდა.

მეხი გავარდა... მე ჩუმად ვარ, სხვები ჩხავიან,
მთელი ქვეყანა კედელივით ცხვირწინ დამიდგა.
ღამის ქარბუქმა ამითრთოლა სული ძალიან
და ვერ ვცნობ იმ გზას რომელზედაც ფეხი დამიცდა.

იცი?.. ჩემს უჯრებს დღეს ჩემს გარდა არავინ აღებს,
სჯობს ვაღიარო, რომც დავწერო გრძნობა ლამაზად
თითქოს სიკვდილთან ვთამაშობ და სიცოცხლეს ვაგებ,
დღეს თუ გადავრჩი მოვინდომებ წასვლას აღარსად.

როცა საათის ხმა მომესმის, მაფხიზლებს გლოვა,
დროის უდაბნო სიჩუმეში ყვავივით მღერის.
ვიღაც იძახის - ეგ თუ არა სხვა მაინც მოვა
და ვინც მელოდა უსათუოდ მე აღარ მელის.

უხცო მხარეში დაღლილივით ხეზე მიწოლილს
მეფიქრები და ცოდვილივით ძილს ვპარავ ღამეს.
მე ის არ ვიცი წლების უკან შენ რას ფიქრობდი
ახლა მინდა, რომ გამოჩნდე და მომიყვე რამე.

და როგორც წინათ, ჩამოვივლი ჩემი ქუჩიდან,
რომ ერთხელ მაინც გავიხსენო შენი სურნელი.
დღეს ეგ თვალები გაცილებით მეტად ლურჯია,
ვიდრე ცრემლებით გაცრეცილი ლექსის ფურცელი.

არ დააბრალო საბრალო სულს შენი ღალატი,
უსინდისობად ნუ ჩამითვლი თუ აღარ გგლოვობ.
ის რომ ხანდახან იმედიც კი გვრჩება არაფრის,
ტყუილია და სიხარულის დაკარგვა მხოლოდ.

ახლა მგონია ის სხვა ახლაც ზის და მე მელის,
თვალებს ვხუჭავ და გავიფიქრებ, რომ მხოლოდ ეს მსურს.
როცა შეცურავს ჩემს სახელზე მშვიდ ტბაში გედი
გავყვები მთიელს... უფრო სწორად გავყვები ხევსურს.

თეთრი ღრუბლები ამომიდგა გვერდით თავდებად,
იგი ჩემს ვალსაც გადაიხდის ადრე თუ გვიან.
შენთანაც მოვა უკითხავად წვიმა თავნება
და შენ მხეცივით აგტკივდება, რომ სხვისი მქვია.

ჩუმი 'პოეტესა'скачать dle 11.3

 





№1 √ სტუმარი ™ Sana

არ ვიცი როგორ და რანაირად ახერხებ,მაგრამ გეფიცები,სულში ხელებს მიფათურებ და თითოეული შენი ლექსი სავსეა ჩემგან გამოუთქმელი სიტყვებით.შემთხვევით აღმოგაჩინე და დაგიჩემე,ამიერიდან კი შენი შემოქმედების ერთგული და გულწრფელი გულშემატკივარი ვარ:-*

 



№2  offline √ წევრი ™ ჩუმი პოეტესა

Sana
არ ვიცი როგორ და რანაირად ახერხებ,მაგრამ გეფიცები,სულში ხელებს მიფათურებ და თითოეული შენი ლექსი სავსეა ჩემგან გამოუთქმელი სიტყვებით.შემთხვევით აღმოგაჩინე და დაგიჩემე,ამიერიდან კი შენი შემოქმედების ერთგული და გულწრფელი გულშემატკივარი ვარ:-*

გენაცვალე შეენ საოცრად თბილო <3 ძალიან ძალიან დიდი მადლობა <3 <3
--------------------
www.facebook.com/ChumiPoetesa

 



№3  offline √ წევრი ™ guranda:)

ვაიმე რა სიტყვებიაა უნიკალურიაა

 



№4  offline √ წევრი ™ ჩუმი პოეტესა

guranda:)
ვაიმე რა სიტყვებიაა უნიკალურიაა

მადლობაა ♥

Nisa Sa
Sheudarebeli xar!!! Sulshi chamwvdomi leqsia

მადლობა თბილო ♥
--------------------
www.facebook.com/ChumiPoetesa

 



№5 √ სტუმარი ™ Guest ანი

აა პოეტი.. მაზე ნაკლები ლექსი არ უნდა გამოაქვეყნო აქ... რაღაც აბდაუბდებს რომ დებენ და თავს პოეტებს უწოდებენ, გადაშენდით !!! რაც არ შეგიძლია არ შეგიძლია და მორჩა..
ამის ავტორი კი უდაოდ ნიჭიერია... წარმატრბებიიიი..
რაც არ უნდა მოხდეს არასდროს შეწყვიტო წერა

 



№6 √ სტუმარი ™ L

Dzalian kargi leqsia ... saocari weris manera da grdznobebi gaxasiatebt , gtxovt nu shewyvett weras.

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent