ანგელოზნი გალობენ და ლხენის რეკენ ზარებს,
სადაცაა ჩვენი მეკვლეც შემოაღებს კარებს,
საჩუქრებით სავსე სახლით რომ ვახარებთ ბავშვებს,
სიბნელეში რომ დავანთებთ სიხარულით სანთლებს.

არ გვენახოს მტრის სიავე, ჩვენი ქვეყნის დარდი,
ჩვენს ბაღებში დღისით-ღამით, კეკლუცობდეს ვარდი,
იჯდეს პაპა მოღიღინე, შტამომავალს თვლიდეს,
ბუხრის პირში მომღიმარი, ლამაზ აკვნებს თლიდეს.

ეს ქვეყანა საქართველო, მხოლოდ ჩვენი გახდეს,
ყველაფერი სასიკეთო, სასიკეთოდ ახდეს,
მზის სხივს რწმენა შემოჰქონდეს გალაღებულ სულში,
თესლი წამად ღივდებოდეს, გუთნით გაჭრილ ხნულში.

2 0 1 8