შესვლა
რეგისტრაცია
რეკლამა

თეთრი იასამნები


2-02-2018, 23:24
ნანახია 489

თეთრი იასამნები

სიწმინდესთან ძნელია გამონახო საერთო,
ნაადრევად ჭკნებიან თეთრი იასამნები.
მე შემეძლო შენს გამო ეს სამყარო დამეთმო,
შენ სიტყვაც კი არ გითქვამს ისე ჩუმად წახვედი.

დანაწევრდნენ წიგნები სიმარტოვის ბილიკზე,
თეთრი მტრედი არიებს მის ენაზე ღუღუნებს.
ერთადერთი მინდა რომ სამოთხესთან მივიდე,
დავინახო ცოდვილ ხალხს ღმერთი როგორ უყურებს.

ნაადრევად ჭკნებიან თეთრი იასამნები,
სისხლში როცა ხელს ვისვრით ანგელოზნი ფრთებს ხრიან.
არც ცხოვრება ყოფილა გზად ფენილი ვარდები,
ჩვენც გველივით ტყავს ვიცვლით როცა ტალახს გვესვრიან.

ნიღბები გვაქვს სახეზე მორგებული ღიმილად,
ბავშვობასთან წლებია დაგვეკარგა საერთო.
წუხელ დედის თვალებმა ჩემს ხელებზე იტირა,
მე კი მისთვის ვერ შევძელ სიამაყე დამეთმო.

ვუყურებდი თლილ თითებს, დრომ რომ ტანჯვით ატარა,
მის მზერაში მოსჩანდა მთელი ჩემი სამყარო.
იქ ვიყავი მტრედივით ღუღუნა და პატარა,
როგორ მინდა ეს ხატი სამუდამოდ ვატარო.

ნაადრევად ჭკნებიან თეთრი იასამნები,
ალბათ ერთ დღეს უდროოდ მივატოვებ ხეივნებს.
ვერ ვიქნები მღიმარი კვლავ ბრწყინვალე თვალებით,
წლობით ნაფერ ეზოში კვლავ ბავშვურად ვერ ვირბენ.

ანგელოზნი ფრთებს შლიან მაშინ როცა ვიღიმით,
იასამნებს ჩემს ბაღში უნდოდათ რომ ეხარათ.
როცა დედა წავიდა მეც ავტირდი ჩვილივით,
მისი სუნთქვა მთელს სხეულს წამალივით ეამა.

თოლიების ნარნარ გუნდს ვცდი და ცამდე ავყვები,
მე ის მტრედი ვიქნები საამოდ რომ ღუღუნებს.
ნაადრევად ჭკნებიან თეთრი იასამნები,
ნაადრევად კეტავენ ცხოვრების გზის ურდულებს.

გამონახო საერთო სიწმინდესთან ძნელია,
გგონია რომ მორჩა და... - აღარ ელი უარესს.
ვიღაცისთვის ცხოვრება მეტისმეტად ბევრია
ვიღაცას კი ცხოვრებაც არ ჰყოფნის რომ უყვარდეს.

ჩუმი 'პოეტესა'скачать dle 11.3
სიახლეზე კომენტარის დამატების შემთხვევაში თქვენ მიიღებთ 6 ქულას.



№1  offline აქტიური მკითხველი ლაზარე 13

ულამაზესი ლექსია..
საოცარი ემოციით დამტვირთა, ერთადერთი რამ მაინტერესებს, ღმერთი.. დაინახე?! მითხარი, როცა დაასრულე, დაინახე?!... როგორ.. როგორ უყურებდა?...

 


№2  offline წევრი MariamChiokadze

ulamazesia ❤️❤️

 


№3  offline წევრი soff1

<3 ძალიანკარგია

 


№4 სტუმარი სტუმარი nina

ნაადრევად ჭკნებიან თეთრი იასამნები ♥ საოცრად მომეწონა .. წარმატებები

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent