შესვლა
რეგისტრაცია
რეკლამა

ყველა ეპოქაზე შეშლილი ვარ


29-01-2019, 21:51
ავტორი shmagidzia
ნანახია 363

ყველა ეპოქაზე შეშლილი ვარ

ისე უსაშველოდ დაღლილი ვარ
უკვე აღარ მჯერა არავისი,
ყველა ეპოქაზე შეშლილი ვარ,
ყველა დასასრულის დასაწყისი.

მალე გაციებულს გამიტანენ,
მსურდა სხვანაირად ყოფილიყო,
ვიხსნი არტერიებს ბლაგვი დანით
თითქოს დასაკლავი ყოჩი ვიყო.

ჩემი კანის ფერი უფერული,
როგორც ჩამომჭკნარი ტიტებია,
თავად ცხოვრებაა უხერხული
როცა ქვის სროლაზე რიგებია.

ისევ აღარ მჯერა ამინდების,
თოკზე სველი სევდა გადავკიდე,
აღარც ხალისი მაქვს გაღიმების
ცუდი სამსახურის გადამკიდე.

ცუდებს კარგებისგან ვეღარ ვარჩევ,
ჩემგან სულ რაღაცას მოელიან,
ვიცი სპონტანურად ამოვარჩევ,
ბოლო გაჩერება რომელია.

მხოლოდ ლექსის წერას ნუ მასწავლით,
ბევრჯერ გადავყარე ნაწერები,
წერა ავიჩემე უაზროდ და
ვეღარც წლების მერე გავჩერდები.

ახლა არ ვიცი რა მემართება,
წერა დავიწყე და ვეღარ ვრჩები,
ღმერთმა იცოდეს რომ მენატრება,
დედის მგლოვიარე დედაჩემი.

ისე უსაშველოდ დაღლილი ვარ
უკვე აღარ მჯერა არავისი,
ყველა ეპოქაზე შეშლილი ვარ,
ყველა დასასრულის დასაწყისი.

შმაგი წიკლაური
скачать dle 11.3
სიახლეზე კომენტარის დამატების შემთხვევაში თქვენ მიიღებთ 6 ქულას.




სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent