რეალურ ფერებს, მე ვეღარ ვეტრფი,
მე მირჩევნია ტკბილი ტყუილი.
დღეს შეიძლება ჩემგან რჩეს ფერფლი,
ღამე გაისმას მგლების ყმუილი.

მინდა მოვშორდე უმიზნო ვნებებს,
მსურს დავივიწყო ყველა დეტალი.
მინდა მოვშორდე უგულო ყბედებს,
თორემ მოეხვა სხეულს ეკალი.

თვალებსაც მოსწყდეს ცრემლი უკანასკნელი,
გულმაც გაუშვას გრძნობების ჯარი.
დაე სისხლისღვრით აივსოს ველი,
და საბოლოოდ დაწყნარდეს ქარი.