შესვლა
რეგისტრაცია
რეკლამა

თვალთა მაგია


20-06-2019, 13:22
ავტორი omexi
ნანახია 469

თვალთა მაგია

შავი თვალები ღამეა ბნელი
მის უკუნეთში დავიკარგები,
შავი თვალები ცეცხლია მწველი
ერთი ნახვითაც დავიდაგები.

შავი თვალები ძლიერ ცოდვილი
ათასი გულის დამპყრობელია,
მისი ალერსით გულდაკოდილი
ქვეყნად მიჯნური ბევრზედ-ბევრია.

შავი თვალების ბნელ საბურველში
ლურჯი თვალები მომენატრება
და გზააბნეულს ვნებათღელვაში
ცისებრ ლაჟვარდი მომელანდება.

ლურჯი თვალები ზღვაა პირქუში,
ნუ მიენდობი მის ფსკერს, უძიროს
მის ციაგს ცისფერს, როგორც ძილქუშში
დატყვევებულმა უნდა ვუმზირო.

ლურჯი თვალები ბანგს აფრქვევს ძლიერს,
სხეულს მიწამლავს, როგორც სტროფანტი
სიყვარულიდან მწყურვალს და მშიერს
ისე მიზიდავს ვით ანდამანტი.

ლურჯი თვალების ლაჟვარდს შემყურე
თაფლისფერ თვალებს ვენაცვალები
გულში ვიტოვებ მის ნათელ ფერებს
და ტკბილ ბადაგად დავიშაქრები.

თაფლისფერ თვალებს რა შეედრება,
ისე ტკბილია, როგორც ნექტარი,
ცეცხლს მინთებს გულში მიჯნურობისა
და მეც ვაღმერთებ მისებრ ნეტარი.

თაფლისფერ თვალებს არ ენდო ოღონდ,
ნელა გაგახვევს ტრფობის ბადეში
სულს აგიჩქროლებს, დაგისაკუთრებს
და შენც ჩახედავ მიჯნურს თვალებში.

ათას თვალების მღელავ ტალღებში,
ერთხელაც, როცა გადავიღლები,
ერთს გამოვარჩევ ურიცხვ თვალებში
და მის ხატებას ქვეშ გავეგები.


ლექსის აუდიოვერსიის მოსასნენად, გადადით ლინკზე
скачать dle 11.3
სიახლეზე კომენტარის დამატების შემთხვევაში თქვენ მიიღებთ 6 ქულას.




სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent