ჩაკარგულ ნისლში თოვლად ცვივა ნამქერი ფერფლის
მე ვერც კი ვიგებ ყოვლად თოვს თუ ფიფქია ცრემლის

ეცემა ცისფერ ნისლში გაყინულ მიწას ფერფლი
ისე ეცემა ჩემში ბრძოლა და ჟინი ძველი


მინდა მოგწვდე და გითრა და ვერ ვინძრევი...ვკვდები
მინდა შენ მაინც მითხრა უბრალოდ თოვლში ვდნები


ალბათ ჟინია ბოლო
ბოლო სიცოცხლის წვეთი
ალბათ დროა რომ გავყო
სული და ხორცი ჩემი


სიცოცხლის ბოლო წვეთი
ტკბილია მაგრამ სველი
როგორც ნაღვენთი ცრემლი
ზედ მოკანკალე ხელი


შენზე ოცნებით ვხვდები
რომ ჩემს ოცნებად რჩები
რომ მეც ოცნება ვხდები
და ოცნებებში ვდნები


მხოლოდ წამით რომ შეგწვდე
და იმ წამში რომ დავრჩე
მინდა უბრალოდ შეგხვდე
და ამ სამყაროს მოვრჩე


ახლა კი დარდი მეფობს
გვირგვინად იდგამს ცრემლებს
ცრემლიც კი არას ამბობს
კანს მიუდვნიათ ხელებს


მინდა უბრალოდ მოგწვდე
ოცნების გარეთ დავრჩეთ
მაგ თლილ თითებში დაგწვდე
გამიღიმე და მოვრჩეთ.