დრო ყველაფრის მკურნალია,
ჩემი ფიქრის - არა.
ზოგს ცხოვრება უხარია,
ზოგიც გაიპარა.

დრო ყველაფრის მკურნალია
მოგონების გარდა.
გულმა ღვინო სულ დალია,
მაინც ძველ გულს ჰგავდა.

დრო ყველაფრის მკურნალია,
მაგრამ მე კვლავ მკლავდა.
ალბათ მისი უნარია
მე რომ გამიმკლავდა.

დრო ყველაფრის მკურნალია,
მაგრამ ეს არ მწამდა.
მე ფიქრისთვის სულ მცალია,
მუდამ მე დრო მჭამდა.

დრო ყველაფრის მკურნალია,
მაგრამ მკვდრების - არა.
ჩემი გული მხურვალია,
იწვის წარა მარა.

დრო ყველაფრის მკურნალია,
დავასრულე წერა.
და კვლავაც გთხოვთ, რომ მოვკვდები
გამიხსენეთ მე რა...