თქვენ შეიძლება დამჭრათ, თქვენ შეიძლება მომკლათ,
რადგანაც სხვა არ იცით, დღეს აქ რაიმე რომ ქნათ.
თავს გრძნობებს რატომ ვაძლევ, ზოგი მე ამას მკითხავთ,
მაგრამ ეს თუ არ გესმით, პასუხი როგორ გითხრათ.

თქვენ ახლა თითქოს ყელს მჭრით, თქვენ ახლა თითქოს მირტყამთ,
მაგრამ თქვენ მერე მეტყვით, რომ არაფერი გითქვამთ.
ვითომ სიცოცხლეს მართმევთ და თქვენს აზრს ტკბილად მასმევთ,
მაგრამ ის კი არ იცით, რომ ჩვენ ერთმანეთს ვავსებთ.