მთვარემ ფიქრები არია
დღეს უეჭველად იწვიმებს
ვიცი დრო უკან არ დაბრუნდება
შენც მასთან ერთად წახვედი
წითელი ღვინო წყნარი მუსიკა
თავს დატეხილი შენზე ფიქრები
დიდი ხანია ამით ვივსები
ჩვევად მექეცი რა ხანია
წვიმის წვეთები მეხება კანზე
როგორც ოდესღაც შენი თითები
მთვარე ჩუმია როგორც ყოველთვის
ფიქრები ჩემში ქარიშხალს იწვევს
ბოლო ჭიქაა წითელი ღვინის
მუსიკაც წყდება წვიმა მატულობს
გრძნობები ყელში მიჭერენ ხელებს
ღამე იწყება სულთან ჭიდილი
ვგავარ ამორძალს შენი სიზმრიდან
ვასრულებ კარგად ნაცნობ არიას
სადაც მთვარემ ფიქრები არია