დღეს მე ცრემლების არ მიდგას გუბე
მაგრამ ნამდვილად მაქვს სატირალი,
ეს უცრემლობა დამრჩება ხინჯად
რდო ვერ განკურნავს გარდამავალი.

დღეს მე ვერ ვხედავ უკანასკნელად
ჩამქრალ თვალებთან შთენილ ნაოჭებს,
მაგრამ ვერ ვტირი,ტირიან სხვები
არ ვიცი ცრემლებს თუ რა აოკებს.

ვინატრებ ბევრჯერ დაკოჟრილ ხელებს,
ჭაღარა თმებში წვიმის წვეთებას
დრო გაივლის და ვინატრებ მაინც
სევდიან მზერის შემოფეთებას.

ალბათ ვიხილავ მე ნაცნობ ნაკვთებს
სიზმრის რომ მოვა ორომტრიალი,
დღეს კი ცრემლების არ მიდგას გუბე
მაგრამ ნამდვილად მაქვს სატირალი.