ერთი უბატონო ხევსური ვარ,
ვიცი უნაპირო სიყვარული,
ზოგჯერ ჩუმ თრობაში შესული ვარ,
ზოგჯერ მთებზე მიყვარს სიარული.

შენი სიყვარული მომანათე,
თორემ უშენობამ გამაწვალა,
მე ვარ ის ბებერი მოსამართლე,
შენ კი მოფრთხიალე ცასწავალა.

გული იმალება სირცხვილივით,
მაინც მინდოდა რომ შეგემჩნიე,
ჩემთან მოირბინე სიკვდილივით,
მე კი სუნთქვასავით შეგეჩვიე.

მინდა მაგ ტუჩებზე მიძალება,
ჩემი ხანჯალივით დაგიჩემო,
უნდა მოგიტაცო მზისთვალება,
სადმე თბილი ქოხი აგიშენო.

ერთი უბატონო ხევსური ვარ,
ვიცი უნაპირო სიყვარული,
ზოგჯერ ჩუმ თრობაში შესული ვარ,
ზოგჯერ მთებზე მიყვარს სიარული..