შენი მონატრება შემომპარვია,
განწყობაც წამსვე დაეშვა ქვევით,
მე დღეს ვინატრე მერცხლობა წამით,
რომ მომეფრინა შენამდე ფრთებით.

აუხდენელი ეს სიყვარული,
სასჯელად გვექცა ორივეს ერთად,
მინდა იცოდე მე შენ მიყვარხარ,
და რომ მექეცი ერთადერთ კერპად..!

განგებას ვერ ვინ შეგვიცვლის ჩემო,
მაღლა ღმერთი წერს რჯულის კანონებს,
სიზმარში მინდა გიხილო ჩემად,
შენი მონატრება უკვე მაბოდებს.

მოულოდნელი თოვლივით თეთრი,
ნაზი სახით და ლამაზი ტანით,
შენით მოვიხიბლე შენით შევიპყარი,
გაოცებული ვარ მე თვითონ ამით..