შესვლა
რეგისტრაცია
რეკლამა

მაინც რანაირი დღეებია?


10-08-2021, 05:00
ავტორი Anna)))
ნანახია 1 335

კვლავაც მოღრუბლული დღეებია,
ისევ არსად ჩანან ვარსკვლავები,
თურმე მოთმინება შემძლებია
ათას მეორმოცე დაღამების.

სიცხემ ისევ ამიწია,
დარდსაც ვეღარაფრით ვემდურები,
თურმე როგორ ძლიერ განიცდიან
დღეებს სითბონაკლულს ბეღურები.

დღესაც ვამჯობინე დამელია,
მოცდა კვლავაც მიჭირს გათენების,
წელს რა უსახური ქარებია,
ისევ გულს მიყინავს გახელებით.

ზღვები კვლავ ღელავენ ყოველ დილას,
ნაპირს ასკდებიან გიჟებივით,
მე კი ეს ტალღებიც ძლიერ მიყვარს,
შენი ვერ ნათქვამი სიტყვებივით.

ისევ მერამდენე ღამე გიცდი,
ქუჩას ვუყურადებ გაგიჟებით,
ალბათ დაარღვიე კვლავაც ფიცი,
ხმაც კი აღარ ისმის ნაბიჯების.

ნეტავ სიყვარული როდის
ჩნდება?
ნაწნავს როცა ქაჩავ ცელქი მზერით,
ირგვლივ ყველაფერი ისე ქრება,
მხოლოდ მისით ცხოვრობ ყველა ნერვით.

მერე ყველაფერი თითქოს კვდება,
ნელა გიქრებიან ღიმილები,
შენში ისადგურებს დიდი სევდა,
სულსაც დაგიბნელებს ტკივილები...

მაინც რანაირი დღეებია?
არსად კიაფობენ ვარსკვლავებიც,
ყველგან ნაცრისფერი ფერებია,
თითქოს მეშინია დაღამების.

მოდი..
უშენობით სულზე მცივა,
ვეღარ გამათბობენ მზის სხივები,
ისე მესაუბრე როგორც წინათ,
ხედავ უშენობით ვიყინები.



სიცხემ ახლაც ამიწია,
სიკვდილს აღარაფრით ვემდურები,
თურმე როგორ ძლიერ განიცდიან
დღეებს სითბონაკლულს ბეღურები.
ანნა ზეიკიძე



№1 სტუმარი Ana-maria

კარგი ლექსია. სიყვარულის სევდიანი ისტორიაა ლექსად თქმული,გულთან ახლოს მოვიდა. წარმატებები და ნათელი ფერები შემდგომში.

 


№2  offline წევრი Anna)))

Ana-maria
კარგი ლექსია. სიყვარულის სევდიანი ისტორიაა ლექსად თქმული,გულთან ახლოს მოვიდა. წარმატებები და ნათელი ფერები შემდგომში.

მადლობა ^_^ შენც ასევე
--------------------
ა.ზეიკიძე

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent