შენ

ჩემზე უკეთესი ვინ გყავს ?
ჩემზე ერთგული და წრფელი?
შენი მეგობარი, ცალი,
შენი მეუღლე და კერპი!
შენი საყვარელი გულის
და შენი სხეულის ფეთქვა.
შენთვის ყველაფერი მე ვარ!
ეს მსურდა ხმამაღლა მეთქვა.
მოდი შევსვათ რამე მძიმე,
და ერთად გავიდეთ გაღმა.
შენი სიყვარული ჩემში
მგონი ყველა საზღვარს გასცდა.
ხოდა ვარსკვლავების შუქზე,
დავითვლი შენს ლამაზ ხალებს.
მე რომ შენ არ მყავდე ახლა,
ო, ღმერთო, ვერაფრით გავძლებ.
ავუშვათ ვნებების რაში,
ფაფარში ჩავავლოთ ხელი.
ო, როგორ საოცრად მგავხარ!
ო, როგორ უღმერთოდ გეტრფი!
მე ვინ მყავს შენსავით წმინდა?
ჩემში ხარ ჩემს თავზე მეტი!
მოდი განმიახლე გული,
და გამომიწოდე ხელი!

ვე რა