მინდა, მთაში მქონდეს ერთი ციდა ოდა,
ოდის უკან ჩანდეს დათოვლილი მთები.
აივანი ტბას რომ გასცქეროდეს, ჰოდა
დაცურავდეს ტბაში ორიოდე გედი.
მინდა მქონდეს ტბასთან ოდა, ერთი ციდა
საავდარო ღრუბლებს შორს ფანტავდეს ქარი.
შემოდგომის ნისლში გახვეული ტბიდან
მოუძღოდე ჩვენს ოთხს ბედნიერი ქმარი..
ოდის განაპირას, ეზოს ბოლოს, ტყესთან
დავანთებდით ფიჩხით მოგიზგიზე კოცონს,
მოვუთხრობდით შვილებს, თუ რატომ ვართ ერთად,
რომ ყველაზე მეტად ერთად ყოფნა მოგვწონს.

ლ.თ. 26.08.2023