მესმა, ურჯულოს მიუგო
მიდი და იმას გახედეო
რაღაც უცნაურად მიდი მოდის
რაღაც ღიმილებით ბოდიალობს
თვალი უშტერდება აუტანლად
ესმა, შენც ხომ არ გახევდი ?!
ცალცალკე ყრია კორდზე
ჩემი ზრო და ვარჯი
რა თვალი აქვს ამისთანა
მჭვრეტდეს და მიხმობდეს თვალებად, ტანად
რაღაის ტანი, რისი გულწამტანი,

ჩემი გული ქვაა და
ცეცხლი მდის ვენებში
ჩემი სიყვარული მაღალი ტალღებია
გიყურებ, იხრჩობი
ქარია ჩემი მძაფრი ქარტეხილი
ვტყდები და ვფარფატებ უძინარი
ნუღა შემავედრებ ქააბას
ვისთვის დაიჩეხე ფეხის გულები?
მე არ ვარსებობ,
ხომ გითხარი, ქარი ვარ, ქალო
აღარ მიმიღებენ უძილოურს

ღიმილები და სურვილები
ათასგვარი და უიმედო
გიყურებთ, არსებობთ ..
ჩემი ხორცი გინდა თუ გვამი გინდა ჩემი?
მაგ ტატანოს მატლები ინადიმებს
შენ ჩემთვის რა უნდა შესვა, რა უნდა იიმედო?
შენ რომ ნაბიჯი შეგეშინდა - იმ ყველა ტყეში ვინადირე

ქარი ბღაოდა იმ დილას,
ჩვიდმეტი წლის წინათ წვიმები
დაიწყო უსასრულო.. ასხამდა ირიბად
მერე ჩემთვისაც გაჩნდა სერაფიმი
და მერე ჩემს ოთახშიც იწვიმა

ის ქარიც მე ვარ,
იმ ქარმა სახლი დაუნგრია, ხეები გაუხმო
მიწა თვალში დაუთესა
ხელები დაატეხა გასახმობი, კედლები გაუპო
გამოშიგნა და გამოფიტა
ის ქარიც მე ვარ,
მე თვითონ ვარ, უთხარი ურჯულოს