_რა ჯანდაბა ხდება _ ილდანის მანქანაში მჯდომმა ჩადუნელმა უკან ჩატენილ გათიშულ ვახუშტის გახედა და სისხლის დანახვისას რეაქცია რომ არ ჰქონდა ესეც ვერ გაიაზრა იმ მომენტში _ ყველაფრი დასრულდაო და ესაა დასასრული?
_ტიტე კადგად იცნობს გოჩას...ყველაფერი მოგვარდება.
_ტიტემ გთხოვა ? თავიდანვე იცოდი და იმიტომ არ ჩაერიე მე რომ ტიტესთან მისვლა დამჭირვებოდა?
_არა . შენ რომ მიხვედი იმ დღეს დამიკავშირდა ,დაბრუნება მთხოვა და შენ გვერდით ყოფნა. არ ჩავრეულვარ პირადად იმიტომ რომ შენ უსაფრთხოდ იყავი მაშინ ... არ გეგონოს მე ვმეგობრობდე მასთან , უბრალოდ ბექნუს მეგობარია ,ხომ იცი და მე წლებია მაქვს კომუნიკაცია მასთან
_ ვიცი ...
_დამიჯერე. არაფერი იცოდა არც მან და არც მე . აწი რაც მოხდება შენ არაფერ შუაში იქნები ესეც გახსოვდეს
_რა მოხდება
_ამ ჭიაყელას არსებობა დაივიწყეთ შენც და სალომემაც
_რას უპირებ
_მკვლელობას ამ მიწაზე არ ვაპირებ... სხვა შენთვის უმნიშვნელოა . მე ვილაპარაკებ ,შენ რამდენიმე კითხვას უპასუხებ და მერე უბრალოდ დაელოდები სახლში დაბრუნებას. ტიტე კი გაბრაზდება მაინც რომ გაგრიე,მაგრამ სხვა ვარიანტი არ დამიტოვეს _მანქანას ისე მართავდა დაჩიმ ადგილმდებარეობაც ვერ დაადგინა. სიმშვიდის შენარჩუნება მისთვის რთული ამბავი ნამდვილად არ იყო,ილდანზე დაკვირვებაც საინტერესოდ ეჩვენებოდა იმ დროს. იმდენად არაპროგნოზირებადი იყო თორნიკეს შემდეგი ნაბიჯები ,სრულიად უცხო და წარმოუდგენელი რამ ხდებოდა დაჩი ჩადუნელისთვის.

ნახევრად გათიშული ვახუშტა გადაათრია და გაურკვეველი შენობისკენ დაიძრა. ერთ_ერთი ოთახის კარი გააღო და დაუპატიჟებლად შევიდა გოჩა ვახტანგიშვილთან
_თორნიკე? რა ხდება ... რამ შეგაწუხა
_რამ არა,ვინ შემაწუხა
_რა ხდება _ ვახო რომ დაინახა სახე აერია
_შენი ტუტუცი შვილი ხდება. უნდოდა დაჩი ეცემა ,იქნებ მოეკლა კიდეც
_შენ რა შუაში ხარ
_იცოდი?
_არა
_არა თუ კი ... ტიტესი გშურს გოჩა? ცოლის სისხლით დამძიმებული, ციხეში მჯდომი კაცის გშურს და კაცი ხარ შენ? მერე იტყვიან შვილი მამას არ ჰგავსო,არადა ასლია შენი
_სიტყვებს დაუკვირდი მე ვიღაც
_ზუსტად ვიცი ვინც ხარ და ტყუილად ნუ მიხსენებ ბექნუს და შენ ურთიერთობას _ ზუსტად იმ დროს ოთახში რამდენიმე კაცი შევიდა და გოჩაც საბოლოოდ გამოვიდა მდგომარეობიდან
_იცოდი არა? თავიდანვე იცოდი რაც ხდებოდა და დაელოდე
_შენც იცოდი ჩემთვის ვინ იყვნენ და მაინც არაფერი გააკეთე
_არ ვიცოდი ... ახლა ვიცი,მაგრამ შენ რატომ გინდა მტრად გადამიკიდო ვერ ვხვდები
_მტრად? მე მტრები არ მყავს ... მე უბრალოდ გზას ვაგრძელებ და ვიღაცები უკან რჩებიან,უფსკრულში გადაჩეხილები
_მემუქრები?
_კიტამ მოგიკითხა ნავერიანმა. მამაჩემის დოკუმენტებში ვიქექებოდი და საინტერესო ამბები გავიგეო
_რა იყო პოლიციასთან თანამშრომლობას იწყებთ?ეგაა თქვენი დაბრუნება ?
_ბ.ზობას მაბრალებ გოჩა ? ხმამაღლა და სხვების თანდასწრებით და არ გეშინია ტყვიის თავში, ამ ბრალდებისთვის
_შენ და კიტა ბავშვები ხართ ,არ იცით აქ რა წესებით მიდის თამაში ... ხუტა , გაბო თქვენ ხომ მიცნობთ . ამ გუშინ დაბადებული ბავშვების გჯერა? ან საერთოდ რა უნდა დაჩი ჩადუნელს ჩვენ შეხვედრაზე. როგორ გაბედა მისი აქ მოყვანა
_ტიტეს შვილის მოკვლას აპირებდი და უფლებებს ახსენებ? ტიტეს ერთადერთ შვილს უკლავდით შენ და შენი ლაწირაკი ბიჭო ?
_ვახოს უყურებთ რა მდგომარეობაშია? ჩემი შვილის ეს მდგომარეობა ვის ვაპატიო
_მე ჩვენი შეხვედრისას გაგაფრთხილეთ,გახსოვთ ? კიდევ გადამეღობება გზაზე და დავივიწყებ თქვენ არსებობას_მეთქი. იქამდე მხოლოდ იმიტომ შევიკავე თავი ,რომ მოლაპარაკება გქონდათ ტიტე შონიასთან და არ ჩავერიე. პატივისცემა გამოვხატე შეთანხმების მიმართ. როდის შეასრულებთ თქვენ თქვენს სიტყვას? სულ ეს იყო თქვენი სიტყვის წონა? მე ვერ ვერკვევი და ასეთი მსუბუქია დაპირება?_დაჩი ჩაერთო მოულოდნელად _იქნებ ამბის სრული ვერსია გინდა გაიგოს ყველამ . დარწმუნებული ვარ ტიტესგან არავის ეცოდინება მამა_შვილმა რა იკადრეთ
_ოხ მე შენი _ იქამდე მდუმარედ მყოფი ვახო თავდასხმას აპირებდა,მაგრამ დაჩი იქამდე სანამ დანას მოიქნევდა
_შე პატარა გველის წიწილო გგონია ჩემთან ასე მოიყვან ჩემ შვილს. შემიკრებ აქ ხალხს და ასე გამაფუჭებთ?_ დაჩი გოჩას ხელში იარაღს არ ელოდა , მაგრამ ილდანმა იცოდა ზუსტად კაცის ხასიათი. ისე დადგა ჩადუნელის წინ და გაისროლა ვახტანგიშვილის მიმართულებით თითქოს ტირში იყო სათამაშოს მოსაგებად. ვახოსკენ რომ მიბრუნდა და ფეხებში ესროლა ირგვლივ არავინ შეწინააღმდეგებია.
_დაიწყო თამაში ჩემი წესებით _ ვახოს იარაღი კუთხეში მიაგდო და ჩადუნელს მიუბრუნდა _ შენც გესროლო თუ გახვალ
_გავალ ? სისხლისგან იცლება
_ამისთვის ისვრიან დაჩი ... _ გაეღიმა და დანარჩენებს გადახედა . შეტყობინება რომ მიიღეს და გასასვლელისკენ დაიძრნენ. რამდენი დრო იყო გასული ვერ მიხვდა ისე გაივსო ოთახი პოლიციელებით _ არაფერი თქვა ,ჩემ ადვოკატს დაელოდე უბრალოდ. დღესვე სალომესთან იქნები ,გპირდები _ იარაღი დაბლა დაუშვა და ცარიელი ხელები აჩვენა_გამარჯობა ბატონო დიმა , თქვენც შეგაწუხეს ჩვენ გამო ? _ღიმილით შეეგება დიმიტრი დევდარიანს
_რამდენი დღე გაუძელი საკნისგან შორს ყოფნას
_არ დამითვლია _ ჩუმად თქვა და მორჩილად გაჰყვა მის ნაბიჯებს.

პოლიციელების წინ ცხოვრებაში პირველად იდგა დანაშაულში ეჭვმიტანილის რანგში ხელებაწეული. პირველად მოხვდა მათ მანქანასთან ახლოსაც კი არათუ უკანა სავარძელზე მჯდომი. ზედმეტი შეხლა_შემოხლის გარეშე დაადეს ხელბორკილები და ვახტანგიშვილებთან ექიმები შეუშვეს.
უცნაური შეგრძნება ჰქონდა, არც შიში,არც სასოწარკვეთა,არც სინანული. თავს დამნაშავედ არ გრძნობდა და ალბათ ამიტომ არ უდარდია დამნაშავის სტატუსით,პოლიციელებით გარშემორტყმულს. არც დიანა ჩადუნელის იმედგაცრუება აღელვებდა,იცოდა გაუგებდა ,იცოდა არ დაინახავდა მის თვალებში ტკივილს. მხოლოდ სალომე ედარდებოდა , ჩაშლილი პაემანი და ილდანის მატილდასთან დაგეგმილი შეხვედრის გაურკვეველი ვადით გადადება. როგორც ილდანმა უთხრაა,
ელოდა ადვოკატს და ისიც მალევე გამოჩნდა. როგორ მოხერხდა წარმოდგენა არ ჰქონდა,მაგრამ 12 საათამდე აცნობეს გირაო გადახდილია ,მოსამართლემ გადაწყვეტილება მიიღო და გათავისუფლებული ბრძანდებითო. ნივთები გადასცეს,ხელი მოაწერინეს რამდენიმე დოკუმენტზე. ადვოკატი საუბრობდა ძირითადად და შემდეგ დიანაც დაინახა. მოსალოდნელად მშვიდად იდგა და ელოდა
_გმადლობთ ბატონო მოსე ... _ადვოკატს მიმართა პირველს
_სასიამოვნოა თქვენთან ყოველი შეხვედრა ... ნეტავ თქვენი შვილის მსგავსი უდანაშაულოები იყვნენ სულ ჩემი დაცვის ქვეშ მყოფები _ ხელზე აკოცა ქალს
_თორნიკე ?
_კარგად იქნება , არ იდარდოთ _ გაეცინა კაცს ისე თითქოს დასასვენებელ რეზიდენციაში აგზავნიდნენ ილდანს.
_არაფერს მეტყვი?
_არ ვიცი თორნიკეს რა გეგმა აქვს,ნორმალურად არც ვიცნობ ,მაგრამ ის არაკაცი არ გაჩერდება ასე მარტივად ტიტემაც თუ ვერ შეაშინა
_ვინ ელაპარაკება ასე საპატიმროდან გამოსულ შვილს
_დიანა ჩადუნელი... სასიამოვნოა თქვენი გაცნობა. სალომე გველოდება სახლში ,ვიჩქარო თუ
_ცარიელია გზა დიკო რა დროს 60 _ით სიარულია? ილდანზე რას ამბობდნენ
_დაიჭერენ
_არანორმალური აღმოჩნდა, ყველაფერი მართალი ყოფილა რასაც ყვებოდნენ
_მზად რომ არ ყოფილიყო სასჯელისთვის სხვაგვარად მოიქცეოდაო გოგამ თქვა. მოკვლა რომ სდომოდა ისე დამარხავდა ორივე მამა_შვილს ვერავინ იპოვნიდაო
_სისხლის სუნი იდგა ირგვლივ და მე გულისრევის შეგრძნება არ მქონდა. მხოლოდ თორნიკეს ვუყურებდი , სულ სხვანაირი თვალები ჰქონდა
_დანაშაულის შეგრძნების არქონა განასხვავებს ერთმანეთისგან დამნაშავეებს ... მსხვერპლი და მიზეზი
_მე უფრო მძაფრად მქონდა დანაშაულის შეგრძნება შენთან ხმის აწევის გამო ვიდრე მას ორი კაცისთვის სროლის შემდეგ
_და ასეთ კაცთან მატილდა წარმოგიდგენია ბედნიერად მყოფი,რადგან გგონია რომ ქალს არ დაუშავებს. მის გამო რომ დაუშაონ მერე? იცი ბიჭის გამო დედა და ჩვენ როგორ საფრთხეში ვიყავით გამუდმებით ? გისოსებს მიღმა იყავი ცოტა ხნის წინ სრულიად უდანაშაულო
_ვერ ვიჯერებ რომ ასე მარტივად შეიძლება გიყვარდეთ ორივეს ისე რომ ეს საუბარი გვქონდეს დედა
_მე არ მჭირდება მჯეროდეს ... ვგრძნობ და ამ გრძნობაზე ლაპარაკიც არ მინდა. ჩემია,ჩემშია და ჩემთანაა
_ელაპარაკე ?
_დრო ვთხოვე და მელოდება ,უსასრულოდ დამელოდება მიუხედავად იმისა,რომ ახლა ჰგონია მე ჩემ სიყვარულში შემაქვს ეჭვი. აზრადაც არ გაივლებს შენ თუ მაბრკოლებ და რამე შემაჩერებს უსიყვარულობის გარდა
_ასე იოლად დაგთმობს თუ არ გეყვარება?
_რა გინდა რომ მოისმინო ... ენერგიას მართმევს ეს საუბრები. დანაშაული არაა მტკიცებულებები და არგუმენტები რომ მქონდეს და დაგაჯერო ის რაც მომავალშია. მე ახლა არჩევანი მაქვს გასაკეთებელი შენ შიშს დავნებდე მეც შენთან ერთად თუ შენი შიში გავანადგურო
_მასთან დაშორებას არ აპირებ და რისთვის სთხოვე დრო
_უბრალოდ მჭირდება რომ საკუთარი თავი ჰარმონიაში მყავდეს იქამდე სანამ ცხოვრებას შევცვლი და აქტიურ ფაზაში გადავალ...
_მე რას მიპირებ
_მე შენ დაკარგვას არ ვაპირებ ,შენ ჩემ დაკარგვას არ აპირებ და იესეს თუ ვერ შეიყვარებ როგორც ოჯახის წევრს მე პრობლემა არ მექნება
_ასე უბრალოდ მაპატიე ?
_რა ?
_რაც გითხარი და როგორც გელაპარაკე
_შეუძლებელია მე შენ რამე ვერ გაპატიო ... გელოდება სალომე . შენთვის და ჩემთვის თუ არ მისთვის მაინც მოიშორე ყველა შიში რაც გაქვს . თუ პატიება გჭირდება და მე არ გასწავლე ,აპატიე ... აპატიე მხოლოდ შენ გათავისუფლდი _ მანქანიდან პირველი გადავიდა , მობილური იპოვა და იესეს მისწერა "ხვალ დრო რომ გექნება შევხვდეთ. მიყვარხარ "
_კარგად ხარ ... დაჩი _ სალომემ როგორც კი დაინახა მაშინვე მისკენ გაიქცა და მოეხვია. სახეზე ეფერებოდა და კოცნიდა
_ცოტას კიდევ თუ მაკოცებ წინააღმდეგი არ ვიქნები,მაგრამ უხერხულია _ჩუმად უთხრა და ყურთან აკოცა _ ორმაგი პაემანი ჩაგვეშალა . მარტო მე და შენ შევხვდეთ ყოველთვის _ ყბაზეც აკოცა და ჩურჩული იქამდე განაგრძო სანამ სალომე არ მოვიდა გონს და აწითლებულმა გაზარდა მანძილი
_ბავშვებს სძინავთ ხომ ? შემოდით, სახლში ვისაუბროთ
_როგორ არიან ისინი _ მატილდამ ჰკითხა და პასუხის მოლოდინში გული მოეწურა
_ორივე ცოცხალია. თორნიკე სასამართლოს გადაწყვეტილებამდე ციხეში დარჩება ... _ შენგელიას გამომეტყველების დანახვისას მიხვდა დიანა ჩადუნელი ყველაფერს _დარწმუნებული ვარ დიდი ხნით არ დარჩება
_მკვლელობის მცდელობა ... წლებს გაატარებს ციხეში _ ჩუმად თქვა და თაიგულს შეხედა ,წასვლამდე რომ მიაჩეჩა ხელში ილდანმა. მისი ხმა ესმოდა და მის სახეს ხედავდა ისევ_უნდა წავიდე... რადგან კარგად ხარ,მე სახლში მშვიდად დავბრუნდები
_მოიცადე ,სალომეც უნდა წავიყვანო და ერთად გავიდეთ მატი
_კარგი ... წავიდეთ. ნახვამდის დიანა
_ნახვამდის
_მალე დავბრუნდები _ დაჩიმ თავზე აკოცა და გოგონებთან ერთად დატოვა სახლი.

მატილდა მიიყვანა ჯერ ,რომელიც მთელი გზა ჩუმად იჯდა და სიტყვას არ ძრავდა. მისი ქმედება დაუფიქრებელ,იმპულსურ ქცევად ეჩვენებოდა და გამართლებას ვერ უძებნიდა .
_ყველაფერი ჩემ გამო მოხდა...არც კი ვიცი ახლა რა უნდა გავაკეთო. იმდენი გეგმა ჰქონდა და ახლა ციხეში უნდა იყოს ისევ?
_თავს ნუ დაიდანაშაულებ...ილდანს ნამდვილად არ ენდომება შენ რომ ცუდად იყო . დატკბი ძლივს მოპოვებული ბედნიერებით _ მანქანიდან გადასვლამდე უთხრა სალომეს _ სიახლეს თუ გაიგებ ხომ მეტყვით
_აუცილებლად ...
_როდის გამოუშვებენ როგორ გგონია_მატილდას უყურებდა და წარმოიდგენდა თორნიკეს ადგილას დაჩი რომ ყოფილიყო
_დაველოდოთ ... მჯერა ,რომ იმაზე ადრე ვიდრე წარმოდგენა შეგვიძლია
_გგონია გეგმა ჰქონდა?
_არ ვიცი ... შენ უკეთ უნდა იცნობდე
_შენთან მინდა. არ მინდა სახლში...ისე შემეშინდა ყველაფრის გამო მეგონა გული გამიჩერდებოდა სანამ დაგინახე _ გვერდიდან ჩაეხუტა და რამდენჯერმე აკოცა _ მაპატიე . შენი მშვიდი ცხოვრება ისე ავრიეთ
_შენ არაფერ შუაში ხარ და თვითონ ხარ ჩემ ცხოვრებაში სიმშვიდე
_დინას შეურიგდი?
_ტიპიური ტუტუცი ბავშვი გამოვდექი დედას რომ აწყენინებს და დედა ყველაფერს პატიობს
_იესესთან რას აპირებს
_დიანა ჩადუნელია, ღმერთი რომ გამოეცხადოს მასაც არ დაუჯერებს და ისე იზამს როგორც უნდა
_მიიღე და მშვიდად იქნები
_შენ რა მარტივად გადაწყვიტე ქალბატონო მოსამართლევ
_თუ დააკვირდები მიხვდები როგორ უხდებიან ერთმანეთს
_იესეს ლამაზი თვალების და შთამომავლების გამო დაწერილი პლიუსები კმარა ჩემი იდეალური დინას მეორე ნახევრობისთვის?
_თვალები კმარა დაჩი თვალები, რომლის ანარეკლიც შენი დინა ჩადუნელია
_ჩემ თვალებში არაა საკმარისი შენი ანარეკლი იმისთვის რომ სულ ერთად ვიყოთ და სახლში არ დაგაბრუნო ყველა შეხვედრის შემდეგ ?
_დღეს რთული დღე გამოვიდა ... სხვა დროს ვისაუბროთ მსგავს გადაწყვეტილებებზე. მიყვარხარ
_მე იმაზე უფრო ვიდრე გგონია _ მანქანიდან გადასვლამდე მოეფერა,ტუჩები დაუკოცნა და ძლივს შეელია.
ყველა ჯერზე უფრო უძნელდებოდა და მხოლოდ ერთი კითხვა უტრიალებდა გონებაში
"ქორწილი დიდი უნდა ნეტავ თუ სადმე მარტო ჩვენ და ლამაზი მოგონებებით დღე იკმარებს"

..........
ოთახში იყო იესემ რომ დაურეკა და ამჯერად უპასუხა კიდეც
_ყველაფერი გავიგე...მათემ მომიყვა დაჩიც იქ იყოო. როგორაა
_კარგად . ვიცოდი რომ არ გაჩერდებოდა ის ბიჭი,მაგრამ ასეთ განვითარებას არ ველოდი. ადამიანებს რატომ არ შეუძლიათ ბოროტების გარეშე ცხოვრება არ ვიცი. თორნიკეზე რას ამბობენ ჩხიკვაძეები
_თორნიკე ამათ არაფერს ეუბნება. წარმოდგენა არ აქვთ რას გეგმავს. ასე სულელურად არ დააჭერინებდა თავსო მხოლოდ ამას ამბობს ყველა. შენ რას აპირებ
_არაფერს ... ველოდები რა მოხდება
_ძალიან ინერვიულე?
_ვიცოდი დაჩი ისეთს არაფერს დააშავებდა ... მხოლოდ სალომე შემეცოდა . ძალიან იყო ანერვიულებული . არ მინდოდა ასე მენახა ერთად ,მაგრამ ისეთი საყვარლები იყვნენ . გული გამითბა
_მე რომ გავიგე ილომ ვიღაც სცემა და იზოლატორშიაო მეგონა ჭკუიდან შევიშლებოდი
_ჩემთვის უცხო არ იყო იზოლატორი,ადვოკატები და მოსამართლის ლოდინი მთავარი იყო მისი უდანაშაულობა მეჯერა...
_სალომე მეც გამაცნო ინამ , წარმომიდგენია ერთად როგორ სიმშვიდეს ასხივებენ
_ამდენს ნუ ეწევი თორემ მეც მინდება და დავიწყებ თავიდან
_ციხეში მივეჩვიე და გადაჩვევა ჭირს...
_ბატონო სოსო ... ქალბატონი თამარი გელოდებათ _ ბიჭის ხმა გაიგო და მაშინვე იგრძნო ეჭვიანობის ტალღა _თქვენ კაბინეტშია
_მადლობა ... მივალ ახლავე
_მანდ როდის წახვედი. სახლში აღარ ბრუნდები ? ბავშვის გამოყვანის დროს აქ არ უნდა იყო?
_ყველაფერს დავასრულებ და თან დავბრუნდები
_და ეგ თამარი ვინ არის
_ძმის შვილის დაბადების დღისთვის დაჯავშნა მაგიდა და რაღაც პრობლემა იყო ... თემურა აბაშიძის ცოლის დაა
_ბათუმში გადმოსახლდა ?
_არ ვიცი
_მე ვიცი სამაგიეროდ
_რატომ მიყურებ ისე თითქოს ჩხუბს აპირებ ? რამე დავაშავე და არ ვიცი?
_მე რა ვიცი , მანდ შენ ხარ მარტო იმ შენს უზარმაზარ კაბინეტში ვის როდის და რამდენი ხნით უმასპინძლებ შენ იცი მითუმეტეს როცა მე დრო გთხოვე და
_ეჭვიანობ? _ თვალები დაუწვრილდა ისე გაეცინა
_რადგან განწყობა იდეალური გაქვს შეგიძლია შეხვდე თამარას ... წავედი. უნდა დავიძინო
_მართლა იძინებ თუ მე არ გინდა დაგირეკო
_მოიცლი ჩემთვის?
_ დინა
_დამღლელი დღე მქონდა და სჯობს დავასრულო შენთან დიალოგი სანამ ჩამოვალ და ქალბატონ თამარას რამეს დავმართებ. მე ხვალ შეხვედრას ვთხოვდი და ეს თურმე ბათუმში წაბრძანდა ... ის დაბერილი ტუჩები არ მოგაკაროს , მისთვისაც სჯობს და შენთვისაც
_ყველაფერი ნუ გიხდება თორემ მოთმინების უნარს ვკარგავ და მომიწევს გადმოვიარო მთელი საქართველო
_ხვალ ხომ ბრუნდები
_ხვალ საღამოს თბილისში ვიქნები. ზეგ კახეთში გეპატიჟებით ... ოთხივეს. იესე მინდელს გაგაცნობთ
_მოვალთ ,ოთხივე . გკოცნი, მიყვარხარ .არ დაგავიწყდეს შენ გენდობი, ქალებს არა

იესე მინდელისთვის ვინ შეიძლება ყოფილიყო სამყაროში დიანა ჩადუნელის გარდა. არც გაუვლია გონებაში ვინმესთან ფლირტიც კი , მხოლოდ დინა ჰყავდა ფიქრებში და მისი მონატრება დაჰყვებოდა თან .
სახლში რომ მივიდა მისწერა
_სახლში ვარ . მშვიდად დაიძინე
მაშინვე გაეღიმა როგორც კი გამოჩნდა "seen" . ბალიშს მოხვია მკლავები და დინაზე ფიქრში მოვიდა ძილიც.
.............
_დიმამ დაიჭირა დევდარიანმა _ იოანე მიუწვა გვერდით და რამდენიმე წუთიანი დუმილის შემდეგ უთხრა
_ვინ
_ილდანი
_მერე ?
_ის იძიებს საქმეს და ყველაფერი ეცოდინება
_არ მაინტერესებს. ჭორები შენ ინას უყვარს
_გამოუშვებენ ვიცი ,მაგრამ მასთან რამდენად უსაფრთხოდ იქნები არ ვიცი
_არ ვიქნები საერთოდ ... რატომ ამოიჩემე _ ცოტაც და იტირებდა,მაგრამ მაინც არ აღიარებდა
_ რა გიშველო არ ვიცი ... დევდარიანს მოსწონდი და შენ ილდანი გიყვარს
_ნუ მაბრალებ
_იქნებ მართალიც ხარ და არ გიყვარს... აფრენ უბრალოდ
_ინა წავიდა სოფელში?
_არა ... ხვალ გამოიყვანენ სამშობიაროდან ბავშვს და ერთად წავალთ . შენ არ წამოხვალ?
_წამოვალ... ფოტოები უნდა გადავუღო პატარა მინდელს
_ყველაზე ბედნიერი უნდა იყო და სუნთქვას არაფერი უნდა გიკრავდეს _ თავზე ეფერებოდა. კოცნიდა და მაინც ვერაფერს უხერხებდა მატილდას დარდებს.
_მიყვარხარ ძალიან და მიხარია ბედნიერი რომ ხარ ინასთან. მჯერა მე თქვენი და ადრე რაც გითხარი შეცდომა იყო , უცნაურები ხართ და ვერ დაგინახეთ სწორად
_მე იცი რისი მჯერა?
_არ ვიცი
_შეუძლებელია ილდანს არ უყვარდე უბრალოდ არ ვიცი რა სჯობს რომ უყვარდე თუ რომ არ უყვარდე
_სიყვარული ყოველთვის სჯობს უსიყვარულობას
...........
_როგორ ხარ შენგელიების თვალის ჩინო?_ ღიმილით შეხვდა ძველ მეგობარს დიმა დევდარიანი
_კარგად ... შენ ? მაჩვენე აბა რა უნდა გავაკეთოთ შენ ძვირფას ბინაში
_შევიცვალე მისამართი ... გავფართოვდი . მინდა ისეთი იყოს ოჯახიც რომ დაიტიოს
_მარტოხელა ცხოვრებას ასრულებ ?
_აღარ არის დრო?
_ანუ ისეთი უნდა გამოვიდეს შენც რომ მოგეწონოს და შენ მეორე ნახევარსაც_ ლიფტიდან გავიდნენ და დევდარიანის შავ კარკასში აღმოჩნდნენ
_ყველაფერი შენ ხელშია ... მე ვენდობი შენ გემოვნებას და დარწმუნებული ვარ ჩემ მეორე ნახევარსაც მოეწონება პირველი რემონტის დაწყების მასშტაბურ სურვილამდე მაინც . ერთადერთი რაც მინდა ჩემი სამუშაო ოთახია. სადმე მარტო ყოფნა და ფიქრი რომ შევძლო ისეთი . გარეთ ხუთი ბავშვი რომ დარბოდეს და მე მაინც შემეძლოს მშვიდად მუშაობა
_შენი საქმეებით სახლში მოდიხარ ხოლმე? ზედმეტად მძიმე არ არის?
_გააჩნია საქმეს... ზოგიერთი რაღაც დროის შემდეგ სახალისოც კი ხდება როცა მიხვდები მიზეზს და შედეგს
_სახალისო საქმეც შეიძლება გქონდეს?_ თან მუშაობდა და თან უსმენდა . აივანზე გაჩერდა ბოლოს ,სუნთქვა ეკვროდა ნელ_ნელა , ეძებდა მომენტს როცა ილდანს ახსენებდა ,მაგრამ დევდარიანმა აღარ გააწვალა და მატილდასთვის მოულოდნელად თავად დაიწყო თორნიკეზე საუბარი
_შენ ობიექტივში მოხვედრილ ილდანს მობილურში შენი ფოტოები ჰქონდა თანაც არა შენი სოც ქსელებიდან გადმოწერილი . აშკარად მისი გადაღებული იყო ... შემთხვევით გამოკითხვაზე ხომ არ უნდა დაგიბარო
_თუშეთში ყოფნის დროს გადამიღო
_ეგეც ,მაგრამ სხვებიც ჰქონდა...ყველა მათგანში ისეთი უცნაურად ლამაზი იყავი მერე შენ გამოქვეყნებულ ფოტოებს ვაკვირდებოდი და ის სხივი არსად გქონდა. რა უცნაურია არა?
_საერთო მეგობრები გვყავს და სულ მე ხომ არ გადავიღებ ფოტოებს _ თვალს არ აშორებდა ნახაზს ,დიმა კი მას
_უცნაურია . საკუთარი დედის და დის ფოტოები ჰქონდა თითო _თითო სხვა არავის შენ გარდა . საერთოდ ტელეფონიდან ყველა ზარი,შეტყობინება ,ყველაფერი ამოშლილი ჰქონდა და საინტერესოა რატომ ვერ გაიმეტა შენი ფოტოები თუ უბრალოდ უნდოდა ჩემთვის ეჩვენებინა რომ მისთვისაც მნიშვნელოვანი ხარ
_ მისთვის მნიშვნელოვანი არ ვარ
_აბა მხოლოდ შენთვის არის მნიშვნელოვანი ?
_ჩემთვის მითუმეტეს არ არის
_შენი საყვარელი თეთრი ვარდების თაიგულს ამზადებინებდა სანამ დაჩისთან ერთად მისეირნობდი ზუსტად იმ მხარეს. ვახტანგიშვილის თავდასხმამდე ყვავილები დაგიტოვა,შენ დასამშვიდებლად მოიცალა და მეუბნები რომ სულერთია? სამშაბათს შენთან იყო სახლში,ღამით ... კარი არავის გაუღია. თვითონ გააღო და მალევე გამოვიდა . იქნებ რამე დაკარგეთ
_ილდანი იოანეს სახლს გაქურდავდა შენი აზრით?
_იმ სახლში,მისთვის ყველაზე ძვირფასად შენ რომ აღიქმები ეს არის მნიშვნელოვანი
_რადგან შენ მოგწონდი ოდესღაც იმას არ ნიშნავს , რომ ყველას გემოვნებას ვაკმაყოფილებ
_მე ?მე მგონი საერთოდ არ მომწონდი. შენთვის არც ფოტოს გადაღება მიცდია და არც მქონდა საერთოდ მობილურში შენი ფოტო
_დაკითხვებზე ილდანი გყავს და შეგიძლია მას ჰკითხო
_და მერე გაგაგებინო ... ეგეც არის იდეა უბრალოდ ილდანი საქმესთან დაკავშირებით არაფერს ამბობს ისე ვსაუბრობთ ზოგად საკაცობრიო საკითხებზე. მისი ადვოკატი ისე მუშაობს მალე იქნება სასამართლო და გირაოს საფუძველზე გამოუშვებენ სამაგიეროდ ვახტანგიშვილებს გადავიყვანთ პირდაპირ საავადმყოფოდან ციხეში. აი ილდანზე რომ მიიტანენ ეჭვს და იფიქრებენ ითანამშრომლაო მერე შეინარჩუნებს სიშავეს შავებში თუ გაღიავდება ეგ არის საქმე
_შენ დანაშაულს არ ჩადიხარ ამ ინფორმაციის მოწოდებით?
_ეს ინფორმაცია საჯაროა... მე რომ გიყვებოდე კიდევ რა საქმეებზე მიდის დაკითხვები აი მაშინ უკვე ჭორაობაზე მეტი გამოვიდოდა
_რამდენიმე ვარიანტზე ვიმუშავებ... გადმოგიგზავნი 2_3 დღეში და არჩევანს რომ გააკეთებ რამონტსაც დავიწყებთ
_ყველაფერს შენ დააორგანიზებ?
_თუ მანდობ და ეჭვი არ გეპარება ჩემ შესაძლებლობებში
_ დარწმუნებული ვარ შენს შესაძლებლობებში
_წავედით
_ოფისში თუ სახლში
_ოფისში ,მაგრამ თუ დრო არ გაქვს
_მაქვს დრო ... შენ თუ არ გეჩქარება შეგვიძლია ვისადილოთ
_შენ ისევ არ არღვევ რეჟიმს?
_საკუთარი თავს პატივს ვცემ და არ ვამყოფებ კალორიულ დეფიციტში. შენ ფოტოაპარატით ხელში ივიწყებდი ყველაფერს და ახლა ახალი საქმით გადატვირთულსაც არ გეხსომება კვება. თითქოს უფრო გამხდარიც მეჩვენები ბოლო შეხვედრის შემდეგ _თითქოს ვერ ხვდებოდა უძილობისგან რომ იყო გამოფიტული და მაკიაჟიც ვერ უფარავდა ჩაშავებულ თვალის უპეებს. უცხო თვალისთვის იდეალური დასანახი იქნებოდა ,მაგრამ დევდარიანს სულ სხვა მზერა ჰქონდა
_ვისადილოთ და თანვე შევათანხმოთ რაღაცები
_ჭამის დროს მუშაობა ?კარგი რა ასეთი ცუდი კომპანიონი ვიქნები? იმდენ თემაზე შეგვიძლია საუბარი _ მანქანის კარი გაუღო და ჩაჯდომამდე მატილდასთვის გაუგებრად გაეღიმა. მშვიდად ატარებდა დანიშნულების ადგილამდე . კედელთან მდგომი მაგიდა აარჩია ,გარეთაც იყურებოდა და გარედანაც უყურებდნენ.
_ნეტავ ილდანი მე მითვალთვალებს თუ შენ ... მე ფსონს შენზე ვდებ _ თითქმის ნახევარი საათი იყო გასული რომ უთხრა და მატილდამ ნამდვილად ვერ დამალა გაოცება
_გვითვალთვალებს ვიღაც და შენ ახლა ამბობ?
_დამშვიდდი ... თორნიკეს მეგობრებს ვცნობ . საშიში არაფერია,შენ გიცავენ რომ იცოდე. იქაც შენ მოგყვებოდნენ და იმიტომ იცოდნენ ვახტანგიშვილი რასაც აპირებდა
_დიმა მეხუმრები თუ გინდა ამ სასაცილო ტყუილით რაღაც მათქმევინო
_შენ რა უნდა მითხრა ისეთი რაც არ ვიცი ან გაკადრებ ინფორმატორობას? გაწვდი ინფორმაციას რომელიც ვფიქრობ უნდა იცოდე
_ანუ უნდა მეშინოდეს კრიმინალი ილდანის,რომელსაც ჩემი ფოტოები აქვს და მითვალთვალებს ?
_უნდა გეშინოდეს მისი მტრების , მისი არ . დიდი ხანია ვიცნობ , შენ მისთვის მნიშვნელოვანი ფიგურა ხარ
_მნიშვნელოვანი ფიგურა...თითქოს მაფიის ბოსი ვარ . საიდან იცნობ, შენ რომ დაგაწინაურეს ის ციხეში იყო
_ბავშვობიდან ვიცნობ ... თვითონ შეიძლება არც ახსოვს ჩვენი პირველი კვეთა ,მაგრამ მე მახსოვს და სულ მემახსოვრება
_პირადი ანგარიში გაქვს ილდანთან?
_სოფია გადაარჩინა . ავარიაში რომ მოყვნენ ის და თავისი კლასელები. ილდანმა გამოიყვანა მანქანიდან ,რომელიც 5 წუთის შემდაგ აფეთქდდა. მისმა დეგრადიულმა კლასელებმა რომ მიატოვეს თორნიკემ გადამირჩინა. საავადმყოფოშიც ის გაჰყვა,ექიმებიც ნაპოვნი ჰყავდა ჩვენ რომ გავიგეთ და ვიპოვნეთ უკვე ოპერაციას უკეთებდნენ. სრულიად უცნობ ჩემ დას უანგაროდ დაეხმარა ისე როგორც საკუთარ სისხლა და ხორცს ეხმარებიან. მაშინ 20 წლის იყო , ყველას რომ ეშინოდა და ათას უბედურებას ამბობდნენ ზუსტად იმ დროს გადაარჩინა ჩემი სოფია და ისე გაქრა კამერების ჩანაწერებით გავიგეთ ვინც იყო . მამაჩემი შეხვდა შემდეგ ,ფული მიუტანა ... ვეუბნებოდი არ გინდა_თქო ,მაგრამ ხომ იცნობ ირაკლის. ორჯერ მეტი ჩადო კონვერტში , არც დაუხედავს იმ კონვერტისთვის. ამდენი თუ გაქვთ კლინიკაში ბევრი პაციენტიაო მხოლოდ ეს უთხრა მახსოვს. მაშინ ჯერ კიდევ პატარები ვიყავით მე და შენ . მერე ამბობდნენ ძმაკაცი გარდაეცვალა ავარიით , ისეთ ადგილას იყო ვერ გამოიყვანეს და იმიტომ გადაარჩინა სოფიოო ,მაგრამ მე ზუსტად ვიცოდი ეგ უბრალოდ კაცია ასეთი,უდანაშაულოს გადასარჩენად მიზეზის ძიებას არ დაიწყებს
_იცის ილდანმა შენ რომ მის მიმართ პატივისცემის გრძნობა გაქვს?
_ილდანმა იცის უგონოდ შეყვარებული რომ ხარ მატილდა? _მისკენ გადაიწია და თან უღიმოდა _ ახლა რომ გაკოცო მომკლავს ნეტავ?
_ჩემი კოცნა მაშინ არ გაგიბედავს ის რამდენიმე თვე შეყვარებულები რომ დავირქვით და ახლა მოგინდა დავიჯერო?
_ძალიან საყვარელი ხარ ,მატი _ ლოყაზე მოეფერა და შუბლზე აკოცა_არავის ვეტყვი ,მარტო მე მეცოდინება
_არ გამაბრაზო თორემ მადონას სერვისებიან გორკა დე სეუს დაგიდებ ზალაში
_სამტვრო სასიცოცხლოდ გინდა გადავეკიდოთ? გმადლობთ . შენი ისედაც მეშინოდა და ახლა როცა ილდანი გომაგრებს ზურგს მთელი შსს ვერ მოგერევა
_მართლა მალე გამოვა ?
_დაელოდე ... იქნებ ახლაც უთხრან მატილდა დიმას ხვდებაო და დღესვე დაგადგეს
_კარგად ერთობი?
_გული დამიმშვიდდა... მივხვდი რატომ ვერ შემიყვარე . თურმე კრიმინალები გიზიდავდნენ და პრობლემა ჩემში არ იყო
_ასეთ არასერიოზულს კიდევ გიცნობს ვინმე?
_რომ გამიცნობს და ცუდი ბიჭების ნაცვლად კარგისკენ ექნება ლტოლვა იმ ბინაში გადავცხოვრდები მასთან ერთად . შენ როგორ აიძულებ ილდანს შენთან ყოფნას ეგ არ ვიცი
_დროა დავუბრუნდე სამუშაო გარემოს

დიმამ მიიყვანა ოფისში . დამშვიდობებისას ლოყაზე აკოცა და შემდეგ შევიდა შენობაში. მთელი დღე ფიქრობდა დიმას ნათქვამზე. როგორ არ ეცადა,მაგრამ უცნაური ვერავინ შენიშნა და გზაშიც არავინ მიჰყვებოდა თითქოს. მომატყუაო დაასკვნა ბოლოს.
.............
იესე მინდელი სამშობიაროდან სახლში მიიყვანეს. ინამ შესაბამისი დახვედრა მოუწყო დედა_შვილს. საოცარი სანახავი იყო მინდელების ოჯახი ერთად და ბედნიერად.

დიანამ დაჩის რომ უთხრა წამოდიო ინას უკვე მიპატიჟებული ჰყავდა იოანეს უახლოესი მეგობრის სტატუსით და უარის თქმას არ აპირებდა. შანსს ვერ გაუშვებდა იესე მინდელზე დაკვირვების. სალომეც თან ჰყავდა და ისეთი სიმშვიდე სუფევდა როგორც კახეთში პირველი სტუმრობისას ,კიდევ უფრო ბევრი ბედნიერებით და დამატებით პატარა იესე მინდელით. რომლის სახელის გაგებისას კიდევ უფრო მეტად გააკვირვა ილიას ხასიათმა . მამა_შვილის კომუნიკაციიდანაც ჩანდა ყველაფერი. იესეს სესილიას მიმართ გამოვლენილი მზრუნველობა, ყველაზე ფაქიზი ურთიერთობა ჰქონდა შვილის რჩეულ ქალთან. წარსული შეხვედრისგან განსხვავებით მეტად თავისუფლად იქცეოდა, ფრთები გამოესხა თითქოს და ყველა ბორკილი გააქრო ამ რამდენიმე თვის განმავლობაში.

_ მოგეწონა ბაია?_ სალომეს აკოცა მხარზე როგორც კი დაუბრუნდა გოგონა მის გვერდით მდგომ სკამს
_შენ კი ილიას ღვინო მოგეწონა
_იესე და დინა მომეწონოს ერთად თუ არ ეგ ვერ გავიგე
_უსაყვარლესია თვალი რომ გაურბის და თან დისტანციის დაცვას ცდილობს ბავშვივით რომ არ ჩაეხუტოს
_სალომე რატომ მიმატებ?
_ახლა ვინმემ რომ დაგვაშოროს არ გაგიჟდები?
_არც ახსენო... მომდევნო წელს მე და შენც უნდა გვყავდეს პატარა ბავშვი . ჩვენ ვინ უნდა დაგვაშოროს პეპი _ ლოყაზე კოცნიდა და ეჩურჩულებოდა
_ასეთ რაღაცებს ნუ მეუბნები მეტირება ...
_ახლა მე ვიტირებ _ დიანა რომ მივიდა იესესთან ბავშვით ხელში ,გაბრწყინებული სახით და ლოყაზე აკოცა შეუძლებელი იყო მინდელის გულწრფელი ემოცია ვერ დაგენახა . ბრმა უნდა ყოფილიყავი და უგულო მისი გულისფეთქვა რომ ვერ გეგრძნო

_უფლებას მაძლევ რომ ვთქვა? _ მინდელი თმაზე მოეფერა და გაუღიმა
_რა უნდა თქვა
_რომ მიყვარხარ
_ჩემი მიყვარხარ მე უნდა ვთქვა თუ შენ იტყვი _ უღიმოდა და მკლავზე დაწვენილ ახალშობილს ფრთხილად არწევდა
_მე ვიტყვი სულ ,სამუდამოდ ... უსასრულოდ მიყვარს _თქო
_მზად ხარ ამ მიწაზე თქვა ეგ სიტყვები?
_ადგილს რომ შევიცვლი მერე მეყვარები და აქ არ ? ყველანი ერთად კიდევ როდის ვიქნებით ... დაჩის თუ ცალკე გინდა ესაუბრო მე
_იცის დაჩიმ
_იცის? და რაო
_იცის რომ მიყვარხარ და მხოლოდ ჩემ კი არა ჩემი ბავშვების ცხოვრებას განდობ
_გაბრაზდა?
_დაჩი მე არ მიბრაზდება... დაჩის ჩემ გამო ეშინია და მე ზუსტად ვიცი ჩვენ გავუქრობთ შიშს . ბავშვს არ აიყვან?თუ ასეთ პატარებს ვერ იჭერ
_ავიყვან და დავაწვინოთ სჯობს თორემ ცოდოა ხელში _ უმარტივესად გამოართვა,გულზე მიიკრა და თავზე შეახო ტუჩები _ ჩემო პატარა რა ბედნიერი ხარ შენი დედიკო და მამიკო რომ გამოგიგზავნა ღმერთმა, საუკეთესოები.

_ესენი მეჩვენებიან თუ _ ინა მთელი დღის დაღლილობის შემდეგ იოანესთან ჩახუტებული იჯდა დივანზე და ერთხანს თვალებსაც არ ახელდა მერე კი თვალებს ვერ უჯერებდა _ რა გამოვტოვე,როდის გამოვტოვე
_იმედია არ იეჭვიანებ მამიკოზე
_თუ დედიკოდ დიანა ჩადუნელი ამირჩია საქორწილო კაბას საკუთარ თავზე ავიღებ
_დაჩი როგორ გადაიტანს მაგ ქორწილს არ ვიცი
_უკაცრავად რა ,ნახე როგორი სიმპათიური მამა მყავს. წარსულს წარსულში თუ დავტოვებთ იდეალური კანდიდატია ქმრობისთვის. მის მსგავს ერთგულ,პატიოსან და მზრუნველ კაცს სად იპოვნის. თვალები აქვს მარტო ერთი კაცის ფასი და საერთოდ
_ქალიშვილი ჰყავს ისეთი ყველა მინუსი რომ ჰქონდეს ეს ერთი პლიუსი გადაფარავს
_ქალიშვილი შეიძლება მინუსად გადაექცეს და სხვა ყველა ადამიანური თვისება პლიუსით აქვს
_ნეტავ გისმენდეს ახლა
_ტყუილს ვამბობ გგონია? მე მენატრებოდა უსაშველოდ და ამას ვერ ვცვლით თორემ იესე მინდელი სანდო კაცია
_ჩემ კამერას არაფერი გამორჩენია და ეს ორი ერთად აქამდე არ მიხილავს ალბათ ხომ ? ნახე ... სიყვარულს ისე ასხივებენ ფოტოები ანათებს _მატილდა ინას მიუჯდა გვერდიდან და ჩუმად უთხრა მერე უცებ ასწია თავი _ ჯანდაბა . უბრალოდ მე თავი ვერ შევიკავე... არაფერი იცი ხომ?თუ იცი და არ მითხარი და გადავიდე იოანეს მხარეს
_ომი გვაქვს თუ რა მხარეებს არჩევს ეს გოგო გამაგებინე
_გაჩუმდი შენ ... ჩემ დაქალს ველაპარაკები
_ძმა ვარ მე
_მერე რა ეს დაქალიცაა , შენი სიყვარულიც,მომავალი ცოლიც და ჩემი უძვირფასესი ძმისშვილების დედაც . შენ კიდევ უბრალოდ ძმა ხარ და მორჩა
_ღმერთო უშველე ან ამას ან მე
_დამუწე სალაპარაკო ღრუ და გამაგებინეთ რა ხდება ამ ფოტოზე
_შენ რასაც ხედავ იმას ვხედავ მეც
_მერე?
_მერე მე მომწონს დედინაცვალი და მეტი არ მინდა მამაჩემი დაიწუნოს ვინმემ
_დაჩი ბულკია... მთავარია დინასთან მოგვარდეს იესე და დაჩი დინას გარეშე ვერ ისუნთქებს.
სიყვარულია ჰაერში გაფრქვეული და რა ლამაზია ყველაფერი როცა ადამიანებს ერთმანეთი უყვართ _ ისევ მოიმარჯვა კამერა და საკუთარ ობიექტივში მოახვედრა ოთახში მყოფი ადამიანები .

იესე მინდელმა იცოდა მის გვერდით დინა ჩადუნელის ყოფნას რომ არ შეეწინააღმდეგებოდა ოჯახი და არც უფიქრია ცალ_ცალკე მათთან დალაპარაკება საკუთარ პირად ცხოვრებაზე და გეგმებზე. არც აღიარება გასჭირვებია ,ყველას წინაშე მშვიდად და მარტივად განაცხადა დიანა ჩადუნელი მიყვარს რაც კი რამ სიყვარული შეუძლია გააჩნდეს კაცს ქალის მიმართ იმაზე მეტად და მთელ დარჩენილი ცხოვრება მის გვერდით ყოფნა მინდაო . კიდევ იყო რამდენიმე მოკლე და გულიდან გადმოღვრილი წინადადება . ტყუპების კომენტარები და სიცილის ტალღა ,რომელმაც მთელ ოჯახს გადაურბინა.

_მშვიდად სუნთქვა როგორ დაიწყე... მე უფრო მარტივი ბავშვობა მქონდა ვიდრე შენ ,მაგრამ არ გამომდის მახრჩობს მისი არსებობა და ყველა ვინც მიცნობს როგორც ტიტე შონიას შვილს . ნაშენები სიმშვიდე მენგრევა ვიღაც რომ გადამეყრება და მეტყვის მამას გავხარო _ილიას გვერდით იჯდა და მის ნაშენებ ბუდეს უყურებდა
_დიდი დრო დამჭირდა ,ბევრი ომი და ბრძოლა... სესილიასთან დისტანციას ვიცავდი , მეშინოდა მისი სიყვარულის ... გაბრაზების უფლებასაც არ ვაძლევდი თავს. მეგონა თუ კონტროლს დავკარგავდი მეც ვინმე შემომაკვდებოდა. სინამდვილეში მაშინ დავმშვიდდი როცა მივხვდი რომ ცუდი არ არის თუ ვგავარ ,მე იმ კაცს ვგავარ ვინც რეალურად არის... დედაჩემის ღალატს მიღმა როგორიც იყო . მშრომელი,პატიოსანი,ერთგული,მზრუნველი, მეგობრული ... ყველა რომ აფასებდა და პატივს სცემდა . ვაპატიე , მივიღე მოცემულობა და გავიაზრე რომ მე ჩემი ცხოვრება მქონდა ,ჩემი სესილია მყავდა , მის განვლილ გზას ვერ გავივლიდი. ჩემი ხელები ასეთიც უყვარდა ჩემ ქალს _ უამრავ საქმეს აკეთებდა ,ხელები ისეთი ცუდი შესახედი აღარ ჰქონდა და დაჩი ვერ მიხვდა რას გულისხმობდა , მაგრამ თავად ხომ იცოდა საკუთარ თავს როგორ აჯობა
_ტიტე არასდროს ყოფილა მშრომელი,პატიოსანი და კარგი კაცი. ნარკომანი,მოთამაშე,ხელიდან წასული ქუჩის ბიჭი იყო. მისი რომ ეშინოდა ყველას და შეეძლო ნებისმიერ დროს მოეკლა ვინმე ჩხუბის დროს ,მაგრამ დედაჩემი მოკლა. სრულიად უდანაშაულო ჩემი ლამაზმანი დედა ,მისი რჩეული ქალი ,რომელსაც ყველაფრის მიუხედავად მხოლოდ ის უყვარდა. ბევრ სულელ გოგოს მოსწონდა და ტიტე დედაშენის გარდა ზედაც არ უყურებდა არავისო ისე მეუბნებიან თითქოს მადარდებს. ნეტავ ჰყოლოდა კიდევ უამრავი და დედაჩემისგან შორს წასულიყო ... დღემდე ათასი ჭორი დადის და მაინც არავინ იცის რამ დაუბინდა გონება. ახლა იქ ზის მშვიდად,ლოცულობს, ცოდვებს ინანიებს, მაყურებლად არის თუ არც ვიცი რად. ბიჭებს ეხმარება ,საქმეებს არჩევს და მე ვიღაცის მიხრჩობა რომ მინდება საცოდავი მშიშარა ბიჭივით უკან ვიხევ ვინმემ რომ არ წამომაძახოს ტიტეს გავხარო ან შეეშვით ტიტეს ბიჭიაო ან კიდევ ვინმე იმიტომ დამეხმაროს რომ მასთან ვალშია . წლების წინ რაღაც პრობლემა ჰქონდა იოს და მეც გავყევი . ვიღაცები მოვიდნენ , ყველაფერი ისე დაიძაბა ჩხუბი არ აგვცდებოდა უცებ რომ თქვა ვიღაცამ შენ ტიტეს ბიჭი არ ხარო? გაჭრილი ვაშლივით ვგავარ და ისიც იქ არ ბერდება მგონი ,ვერც მოვიტყუები იმდენად ვგავარ . ვიღაცები პატივს რომ სცემენ ცოლის მკვლელს მე ბრაზი მახრჩობს და მის გამო მე მე არ ვარ
_დალაპარაკებიხარ ოდესმე იმ დღის შესახებ?
_არასდროს ! სხვა ყველაფერი რომ დავივიწყო დინას არ ვატკენ მასთან რომ წავიდე ვიცი არაფერს მეტყვის,მაგრამ ისე ეწყინება გული მოუკვდება
_რამდენი წლის იყავი მაშინ
_ექვსი ... შენ ?
_მეც
_როდის ნახე პირველად გახსოვს?
_მარტას სასამართლოზეც დავყავდით ...
_შენი მდგომარეობა კიდევ განსხვავებულია...შენ მამიდამ გაგზარდა და თან , მამაშენმა ყველაფერი ნახა
_გახსოვს როგორი მამა იყო ?მე მამა დედაზე მეტად მივლიდა... საჭმელს გვიმზადებდა , გვაბანავებდა, გვიცვლიდა,ყველა სურვილს გვისრულებდა . დედა ცივი იყო,გაფანტული,ეგოისტი და სულ ისე გვაგრძნობინებდა თავს თითქოს მასთან ვალში ვიყავით ... სიკვდილს არავინ იმსახურებს. ის არ იყო მზად დედობისთვის,არც ცოლობისთვის და მას აუცილებლად უნდა ეცოცხლა,გაეაზრებინა რამხელა შეცდომა დაუშვა... სოსო ხომ საერთოდ არ იმსახურებდა ამ ცოდვით ცხოვრებას
_დედაჩემი ყველაზე თბილი და მზრუნველი დედა იყო ალბათ სამყაროში. მგონი ხვდებოდა რომ დავკარგავდი და იმ მცირე დროში ჩაატია ყველაფერი. მთლიანად ჩემზე იყო გადმორთული ... ისიც მახსოვს,ბუნდოვნად
_და როგორი იყო...
_არ ვიცი ,ჩვეულებრივი ...
_გაახსენდება როგორ გიყვარდა და ცდილობ არ გაიხსენო?
_ზუსტად...
_მეც ხშირად განმიცდია მსგავსი რამ
_ვერასდროს ვაპატიებ ... სოსო სხვანაირია. ის კი ტიპიური დამნაშავეა
_იესე თავიდან იბადება ახლა ,ჩემ თვალწინ იწყებს ნულიდან და შენი აზრით შეძლებს მის შეყვარებას შიშების გარეშე რომელიმე ქალი ?
_დინა ისეთი ქალია მე მის საქმეში ვერ ჩავერევი და არც ჩამრევს. ვიკამათეთ რომ გავიგე მათი ამბავი და მერე ყველა სიტყვა ვინანე რაც ცხელ გულზე ვუთხარი. დედინაცვალი გინდა გყავდეს?
_მე მინდა ოჯახი გვქონდეს და წინ განვაგრძოთ გზა... წარსული წარსულში დავტოვოთ . გარდაცვლილებს ვერ გავაცოცხლებთ ... ორივეს ვაპატიე და სახლი გადამექცა თავშესაფრად. მინდოდა სიმშვიდის მომტანი განწყობა ჰქონოდა სასტუმროსაც
_მამაშენს იმდენი ბორკილი ადევს ახლაც ... გგონია გათავისუფლდება ოდესმე ისე რომ თავიდან დაწყება შეძლოს? დინას ისედაც რთული ცხოვრება აქვს ახალი მიზანი უნდა გაუჩნდეს ?
_საკუთარ თავს ვერ პატიობს ...
_და ეგ გაუვლის? ან უნდა გაუაროს?
_ადამიანი ისე ივიწყებს ყველაფერს თითქოს არც მომხდარა თუ არ შეახსენებენ . ამიტომ გაიქცა როგორც კი გამოვიდა,ბათუმში არავინ იცოდა ვინ იყო და რა ცხოვრება გაიარა... ბოლო დროს სხვანაირია . სულ მტკიცე ხასიათი ჰქონდა,რამე თუ უნდოდა თავს არ დაზოგავდა და დიანას დამსახურებაა მგონი ცხოვრება რომ მოუნდა ისევ
_მოდი ვაღიაროთ რომ გოგო ჯობია _ ჭიქა დაცალა და მერე გვერდი გვედდ მსხდომებს გახედა
_ეგ ერთხმად შეგვიძლია ვაღიაროთ ყველამ ... ბუნებრივია რომ გეშინია. აკაკი ხომ იცი როგორი კაცია,მაგრამ მისი მიღება თავიდან გამიჭირდა. ჩემი მარტა სამყაროა ჩემთვის , ხელშეუხებელი და მას რომ ვინმემ გული ატკინოს შენ ვერ წარმოიდგენ მე რა შემიძლია გავუკეთო. ახლა ბედნიერს რომ ვხედავ გული მშვიდად მაქვს ... ცოტა დრო მიეცი იესეს მეტი არაფერი სჭირდება
_მე იმაზეც ვფიქრობდი ,რომ შენ და ინა წინააღმდეგები იქნებოდით
_ინას მოსწონს დიანა თორემ წინააღმდეგი ნამდვილად იქნებოდა და ინას წინააღმდეგობას წინ ვერავინ დაუდგებოდა
_იოანესთან იმედია პრობლემა არ გექნებათ
_მე და მამას მოგვწონს ყველა ნორმალური კაცი ვინც ინას შეიყვარებს . იოანესთან პრობლემა არ გვექნება არასდროს
_იოანე ნამდვილად კარგი კაცია და იმაზე მეტად უყვარს ინა ვიდრე გადმოცემა შეიძლება
_წვიმა დაიწყება მალე... შევიდეთ შიგნით
_ახლა ვინ გამოვდივართ ერთმანეთის?
_წარმოდგენა არ მაქ და არც მინდა ვიცოდე,მეგობრებზე მეტი მაგარი სტატუსი არც მეგულება სისხლით არანათესავ ადამიანებს შორის
_რომ გამოაცხადეს ერთად ვართო და გონებას არ დაკარგე ეს უკვე ნიშნავს,რომ მამაჩემი შენ მამობასაც შეითავსებს. საერთოდ მე თუ მკითხავ ღმერთს მისთვის მშვიდი ცხოვრება რომ მიეცა და სწორი ქალი ,მამობისთვის გაჩენილი კაცია
_მე წარმოდგენა არ მაქვს როგორია ოჯახისთვის გაჩენილი კაცი და იდეალური მამა . შენ გყავდა ,დაკარგე და გენატრებოდა დიდხანს . ჩემთვის გვიანია უკვე მამიკოს ბიჭობა
_როგორც არ უნდა იყოს ჩვენი იმედი გქონდეს ... მე შენ მეიმედები _ დაჩიმ პასუხად ხელი მოხვია მხარზე და მერე მასთან ერთად დაბრუნდა დანარჩენებთან. მათი მარტა და დიანა ისხდნენ გვერდი _გვერდ . ჩადუნელი მინდელის წამოზრდილ მუცელს გაბრწყინებული სახით ეფერებოდა და მარტაც რაღაც ამბავს უყვებოდა მშვიდი სახით,სულში ჩამდგარი ბედნიერებით.
.................
თინა გვიჩიანი საქართველოდან წასვლას არ გეგმავდა ან გოგა ვერ ხვდებოდა მის თავში რა აზრები ტრიალებდა. დროს აძლევდა,დასვენების საშუალება რომ ჰქონოდა დამღლელი სწავლების შემდეგ უფრო დამღლელ სამუშაო გამოცდილებამდე .
ის ფაქტი რომ თინა დაჩისთან ერთად ატარებდა დროს და მისი სამეგობროს ნაწილი მარტივად გახდა ახარებდა,ამშვიდებდა და დაცულადაც მიაჩნდა ,როცა სადმე წავიდოდნენ.
_მა , დე ბორჯომში რომ ავიდე მეგობრებთან ერთად შეიძლება?
_სამეგობროს სია გადაუგზავნე მამას პირადი ნომრებით და დაბადების თარიღებით დე _ ქალი მოეფერა და ქმარს სასაცილოდ წაკბინა
_წადი მა ... სახლს დღესვე მოვამზადებინებ და ადით ნებისმიერ დროს .
_გახსოვს ბავშვობაში სულ რომ დავდიოდით?მიყვარს იქაურობა
_მე კიდევ შენი ბავშვობა მიყვარს და ნეტავ გამოჩნდებოდეს ვინმე ბიჭი შენ ცხოვრებაში ისეთი ბაბუობასაც რომ მოვესწრო და შენნაირებს მოვეფერო
_სიბერე უტევს ბოლო დროს მამაშენს ... არ მიაქციო ყურადღება.
_ახლა უნდა ვუთხრა აქ ჩამოსვლის მერე ვინმე ხომ არ მომწონს. ვერაფერი გაიგო და ეშინია კარგად არ ვმალავდე
_ერთი დიანა ჩადუნელმა დამიმალა იესე მინდელი და მეორე შენ დამიმალავ კაცს ... თუ დასამალია რად გინდა მამა?
_არავინ მომწონს... ვისვენებ მამა და მეგობრებთან ერთად შესანიშნავ დროს ვატარებ. ნამდვილად არ მეგულება კაცი, რომელიც მეც შემიყვარებს და შენც გაგიმკლავდება
_არადა როგორ ცდები,ჩემზე კარგი სიმამრი არ იარსებებს დედამიწაზე
_რა ტკბილია ნახე ... _ ლილე კისკისებდა სანამ ქმარი ჩაიხუტებდა და რამდენჯერმე აკოცებდა _ რა დაგემართა ადამიანო
_უთხარი ბავშვს ,რომ მართლა მინდა ვინმე ჰყავდეს და ნუ შეეშინდება თუ კარგი კაცი გამოჩმდება მის ცხოვრებაში
_სულ შენ დაგეკითხება ... არ იცნობს ჯერ მაგ ერთადერთს და დააცადე
_ვიცი ქართველი სიძე რომ გინდა და ფიქრობ ახლა გამოვიყენო ეს დრო. ყველაფერი ერთად ვერ მოხდება მამა . წავედი ,მიყვარხაართ . დიანა ჩადუნელზე ოფიციალურად ვაფრენ,იესეც გავიცანი ინამ დამპატიჟა თავისთან და შენც რომ მოამზადო ისეთი გემრიელობები არ გინდა? უფრო დავიეჯრებ რომ შენც მასავით იდეალური სიმამრი იქნები
_კუჭის მონა როდის გახდი შვილო?
_საქართველოში ... შენი ნანატრი პლიუს 5 კილოც მაქვს და თუ ასე გავაგრძელე ახალ წელს ხომ საერთოდ გარდერობის განახლება მომიწევს
_ულამაზესი ხარ მამას სიცოცხლევ ,უფრო დამშვენდი აქ ჩამოსვლის შემდეგ ...
_მიყვარხაართ წავედიი
_საით
_ინასთან გავდივარ ატელიეში ... რაღაცები მინდა და შექმნის პროცესს უნდა ვუყურო

ინასთან მისულს შენგელიაც იქ დაუხვდა ჯერ მხოლოდ მატილდა შემდეგ კი იოანეც გამოჩნდა და საერთოდ აურიათ გეგმები
_წავედით , პატარავ
_სად წავედით? _ მატილდამ უპასუხა ინსტიქტურად და იოანემ წარბაწეულმა რომ დახედა სახე შეჭმუხნა _ ღმერთო ჩემო
_უკაცრავად თქვენ მილიონი საქმის მქონევ აქ რას აკეთებთ საერთოდ?
_მილიონს ერთი საქმე დავამატე... თინა გვიჩიანს ფოტოები უნდა გადავუღო თორემ ისე რომ წავიდეს თავის ამერიკაში მე გული გამისკდება
_ინა მოდიხარ?
_სად ?
_გშორდები გეფიცები ... რა კითხვაა?
_დავასრულებ და სადაც გინდა იქ წამოვალ .თუ არ დავასრულებ მატილდა ჩამოგვყვება უფსკრულშიც
_გაყევი იქნებ სად მიჰყავხარ ... მის გვერდით რომ მეგულები აღარ გირეკავ ვერ დამაფასებთ?მაქსიმალურად განიშნებთ რომ ძმისშვილი მინდა და გატოკდეთ ორივე ერთად სინქრონში
_მატილდა ...
_როგორ წითლდება შეხედე... ვინ იფიქრებს რომ მილიონ ხუთასი ათასი შეყვარებული ჰყავს მონელებული . სიყვარულო ძალსა შენსა რა გვაბრუნებ რა ზნე გჭირსა
_ზოგი უბრალოდ არასწორ კაცს არჩევთ და ფიზიკურად ვერ ფარავენ დისტანციას შენამდე ჩემო დაო თორემ მეც არ ვიტყოდი დისშვილზე უარს ... ინას გაწითლებებს შეეშვი კიდევ თორემ ისეთი საყვარელია ბავშვი მგონია და ხელზე ხელის ჩაკიდებასაც ვერიდები
_ღმერთო ორივეს ერთად ვერ გიძლებთ _ ამოიოხრა და ფურცლები მიაჩეჩა მატილდას _ ესენი მიეცი ეთოს . წავედი
_ხომ წამოხვალთ ბორჯომში ამ შაბათ _კვირას? სალომეს და დაჩის ვუთხარი უკვე, მოდიან
_აქამდე ვერ მითხარი ? ფოტოსესია გადაიდო... ბორჯომის ხედი იქნება იდეალური გადაღებებისთვის. დღეს სამოსის შექმნის პროცესს ვადევნოთ თვალი მასპინძლის გარეშე _ უყურებდა როგორ მოაცვა ქურთუკი იოანემ. თმა გაუსწორა, ყელში აკოცა და ახურებულ ლოყაზე მოეფერა . გული უთბებოდა მათი ყოველი დანახვისას ,ორივეს ბედნიერება აბედნიერებდა. კამერის ობიექტივში კი დაუგეგმავი ფოტოების უთვალავი რაოდენობა ჰქონდა უკვე.
_მეორე ძმა არ გყავს? მეც მინდა ერთი სულის სიმშვიდე კაცი
_"სულის სიმშვიდე კაცი " დედაჩემმა ერთი გააჩინა და ისიც ინა მინდელისთვის. შენი სადღაც სხვაგანაა ,ჩემი საგვარეულოს ბრილიანტი ეს ერთია მხოლოდ სხვას გვიჩიანის ქალს ვერ შემოგკადრებ .
_შენი კამერის ობიექტივში თუ მოვხვდები ვინმესთან ერთად და დაგვინახავ ხომ მეტყვი
_შენ თუ ვერ დაინახავ და მე დაგასწრებ ფოტოს გამოგიგზავნი აუცილებლად
_ვიღაცას მაგონებ იცი?
_მაინც ვის
_ჩემ ერთ მეგობარს და სანდო ადამიანს
_მიხარია ასეთ გოგოს თუ ვგავარ _ დერეფანში მიდიოდა ნაბიჯი რომ გაუყინა თინა გვიჩიანის წკრიალა ხმამ
_გოგოს არ ,თორნიკეს ჰგავხარ ილდანს ... სხვა არავინ მინახავს სევდიანი თვალები სხვისი ბედნიერების დანახვისას ამდენად გულწრფელად უნათებდეს და საზრდოობდეს ამ სიხარულების აღბეჭდვით
_ციხეში ნამდვილად ვერ დაინახავს ბედნიერ სახეებს
_გამოვიდა , არ იცოდი ? _ სუნთქვა თუ განაგრძო ისიც კი არ იცოდა. თვალები ვერ დაუმალა პატარა გვიჩიანს _ არ ვიცი სად არის ,არავინ იცის ... ველოდები და მერე ვნახოთ ვინ უკეთეს ფოტოებს გადამიღებთ
_ილდანმა გადაგიღო ისე კარგად ,რომ ჩემთან კონკურენციას შეძლებს? _ გამოსავალი იპოვნა ეგონა,თემას შევცვლი და ამოვისუნთქავო ,მაგრამ უარესად აიხლართა ემოციებში
_ბავშვობიდან იღებს ფოტოებს , მაგრამ მხოლოდ განსაკუთრებულ შემთხვევაში ინახავსო თებეამ მითხრა . მე მხოლოდ ერთი ფოტო გადამიღო ,ამერიკაში რომ შევხდვით თებეასთან ერთად ვიყავი. მახსოვს თებეას უთხრა , მთელ ცხოვრებას შემოგწირავ ეს სხივი რომ არ გაგიქრეს თვალებიდანო_ გვიჩიანი საუბრობდა მშვიდი,ბედნიერი და მატილდა გონების კარგვის ზღვარს გადიოდა _ მე მაქვს პატივი ილდანის მიერ გადაღებულ ფოტოზე ვიყო აღბეჭდილი. თებეამ თქვა წლებია არავინ და არაფერი გადაუღიაო ...

შეიძლებოდა მონატრებოდა?
უსაშველოდ ენატრებოდა !
..................
_დაგვიგვიანდა მე და შენ საუბარი,არა?
_საუბარი ზოგჯერ არაფერს ცვლის და მეც არ გამომიჩენია ინიციატივა. საქმეა სულ მთავარი თორემ შენ ფიციც შეგიძლია დადო და მერე მაინც მოხდეს რაღაც რაც მე მაქცევს მკვლელად და შენ მსხვერპლად.
_თავიდან მეგონა ,რომ დიანასთვის უბრალოდ ახალი გასართობი ვიყავი ,რომელიც მობეზრდებოდა რაღაც ეტაპზე და თავს ვამზადებდი ამ დღისთვის მე რომ მისი ინტერესის არეალში აღარ ვიქნებოდი და იძულებული ვიქნებოდი მისი ცხოვრება დამეტოვებინა. დიანას გაცნობამდე მე საერთოდ არ ვფიქრობდი ქალთან ცხოვრების დაკავშირებაზე,მეგონა საერთოდ დასრულებული მქონდა ყველაფერი და ერთადერთი რაც შემეძლო შვილებისთვის ეკონომიური მხარდაჭერა იყო. არ ვიცი რატომ დავიჯერე ,რომ ეს იქნებოდა საკმარისი. ბევრი არასწორი ფიქრი მქონდა ,ბევრჯერ გადავდგი უკან ნაბიჯი და დიანასთან ვერ. სიზმარივითაა , რომ მოდუნდები ,გაიღიმებ და ამ დროს გამოგეღვიძება,ციდან ჩამოვარდნილივით გეტკინება ყველაფერი ...
_დიანა სიზმარში წარმოდგენილ ქალზე მეტია. შენ არ იცი როგორი გასაოცარი ვინმეა ,ჯერ წარმოდგენაც არ გაქვს . მის გვერდით ყოფნა სულ სიზმარს ჰგავს, ის კი ფარია რომელიც თან გიცავს და თან გათბობს. დიანა ჩემთვის დედაზე მეტია,ყველაფერზე მეტია. მხოლოდ სიყვარული კი არ მაკავშირებს,პატივს ვცემ, ლოცვა რომ მასწავლა სულ პატარას ეკას სულისთვის რომ მელოცა მეც მასთან ერთად მე ღმერთს მთელი გილით ვთხოვდი დიანა მყოლოდა გვერდით. ეგოისტი ბავშვი ვჩანვარ ალბათ ,მაგრამ არ ვარ.დიანა რაც უფრო ბედნიერი იქნება მეც უფრო მშვიდი სუნთქვა მექნება. ახლა უნდა დავიჯერო ,რომ შენ ხარ ის კაცი ვინც მისთვისაა? სულ ვიცოდი გიორგი არ უყვარდა , მაგრამ მის გვერდით რჩებოდა. ვენდობიო სამ კაცზე აქვს სულ ნათქვამი ბიჭიზე,გოგაზე და ჩემზე... შენ მაგივრად დამიფიცა არაფერს დამიშავებსო და მე დინას ფიცის კი არა დინას ერთი სიტყვისაც მჯერა
_მე შენ ადგილას ალბათ უფრო ცუდი რეაქცია მექნებოდა. მესმის შენი , გეფიცები ზუსტად ვხვდები რასაც ფიქრობ და განიცდი უბრალოდ არ ვიცი მე რა შემიძლია ამ ეტაპზე გითხრა ან გავაკეთო შენ რომ მანდო დიანა
_ დიანა თვითონ განდობს მთელ თავის ცხოვრებას და მე დიანას ვენდობი ... მუქარაც არაა რაც გითხარი. დიანას რომ რამე დაემართოს შენი მიზეზით მე დასაკარგი არაფერი მექნება და შენ არ გასუნთქებ . მამაჩემის მსგავსად მოსანანიებლად არ გექნება დრო და არც ლოცვის საშუალებას დაგიტოვებ.
_დიანას რამე რომ დაემართოს სანამ შენ მოხვალ ჩემამდე მე იქამდე დავსრულდები
_საკუთარი თავის არ გეშინია? მჯერა რომ გიყვარს ,მნიშვნელოვანი ადგილი უჭირავს შენ ცხოვრებაში,გეიმედება და გიჟდები ,მაგრამ არ ფიქრობ იმაზე რა მოხდება უცებ რომ ვინმეზე იეჭვიანო?იცი დიანა კაცებთან როგორ კომუნიკაციაშია? ჩვეულებრივად შეიძლება ვიღაც მის თაყვანისმცემელს სადღაც გაჰყვეს საქმის გამო და შენ ამ დროს რას გააკეთებ. დიანა არაა შეჩვეული არც ჩარჩოებს, არც შემაფერხებელ ბარიერებს. უნდა და აკეთებს ... შენ შეეჩვევი მის დომინანტ ბუნებას? გაქვს საკმარისი ძალა დიანა ჩადუნელს რომ გაუქაჩო? მენტალურად,ემოციურად როგორი იქნება მდიდარი ,ნებიერა ,გათამამებული ,თავნება დიანა ჩადუნელის გვერდით ყოფნა. გაუმკლავდები ? საკუთარ თავთან ბრძოლაში არ იქნები სულ?შენი თვითშეფასება გაგიშვებს ? დანაშაული რომელსაც ნანობ ვიცი,რომელსაც წამოგაძახებენ თუ არა შენ თავს დახრი ... ასეთი თავჩაქინდრული კაცი დიანა ჩადუნელს რამდენხანს გაუძლებს
_მე არასდროს ვყოფილვარ ისეთი პატარა კაცი ქალის სილამაზე,სიმდიდრე ან წარმატება რომ დათრგუნავს და გააგიჟებს. პირიქით , ჩემი სახით მხოლოდ დამხმარე,მოტივატორი და საყრდენი თუ ეყოლება... თუ გგონია,რომ ახლა ეჭვიანი გავხდი არც ეგაა სიმართლე . ზედმეტად დიდი ვარ იმისთვის რომ ადამიანი ვიცოდე როგორია . შეიძლება ჩანს რომ ცოტა დრო გავიდა ჩვენი გაცნობიდან, რამდენიმე თვე საკმარისი არ არის,მაგრამ ბევრ ისეთ სიტუაციაში ვნახე დინა ვიცი მისი მთავარი ღირებულებები, რომელიც ჩემსას არ ეწინააღმდეგება.
_შენი წარსული სიყვარული, მასთან პარალელები ... გონებაში არ გაქვს როგორი იყავი მასთან და როგორი იყო ის? არ ადარებ დინას ?
_იყო შემთხვევები როცა გონებაში გამიელვა მისმა ქმედებებმა და შეიძლება ამას ერქვა კიდეც პარალელი , მაგრამ ბევრი ეტაპი გადავლახე ... საკუთარ წარსულთან ომში მომავლით ვიმარჯვებ . ეს ჩემი პირადი
_დინა თუ მიგიღებს მერე შენი პირადი არ იარსებებს , დიანა ჩადუნელი მარტო არცერთ ომში დაგტოვებს და ძალიანაც რომ გინდოდეს მთელ ენერგიას დახარჯავს შენთვის . შენ კი იმდენი ბრძოლა გაქვს გადასატანი ამისთვისაც მენანება ძლივს გიორგისგან გათავისუფლებული სულ სხვა პრობლემების მქონე რომ აღმოჩნდი მის ცხოვრებაში
_მე არ მენანება ჩემთან ყოფნისთვის , საკუთარ თავში ეჭვი რომ მეპარებოდეს იმდენად მიყვარს ვეცდებოდი მისგან შორს ყოფნას. მე როცა იმდენად ცუდად ვიყავი,ისეთი გაუცხოებული და დაკარგული , რომ ადამიანებთან კომუნიკაციაც მიჭირდა მონატრებული შვილები დავტოვე , გავეცალე ჩემი არეულობა რომ არ ენახათ და ედარდათ
_ძალიან მინდა შენი ყველა სიტყვა დავიჯერო და უბრალოდ კი არ მეჯეროს მომავალში დამტკიცდეს. დინა განდობს თავის ცხოვრებას და მე მის ზურგს უკან ვრჩები ,სამუდამოდ
_კარგად ვიცნობ მე ერთ შენნაირს ... უფრო რთული
_ილიას არ უნახავს როგორ ურტყამდა უგონოდ მყოფი მისი სათაყვანებელი მამა ,მის უსაყვარლეს დედას დანას და განწირული კივილით არ მივარდნია გასაჩერებლად. არც დანისგან დასერილი ხელებით მოფერებია დედის უსიცოცხლო სხეულს და არც ის გაუფიქრებია ნეტავ მეც დამარტყას ახლა ზურგში და მეც დედასთან ერთად დავიძინოო. ილიას მამა ახალი აღმოჩენილი ნარკოტიკით გაბრუებული, გაგიჟებული არ უნახავს. ილია სისხლის გუბეში არ ჩავარდნილა , ტანზე არ შეხმობია დედის სისხლი...მე რომ ჭკუიდან არ გადავედი ღმერთზე მეტად დიანა ჩადუნელის დამსახურებაა . თუ რამე წმინდა გაგაჩნია ამ ქვეყანაზე ,თუ ოდნავ მაინც გეშინია ღმერთის ,კაცი თუ ხარ ჩემ დიანას გული არ ატკინო

სხვა აღარაფერი იყო სათქმელი .
სახლი დატოვა და სალომესთან აღმოჩნდა ბოლოს. დროსა და სივრცეში ჩაკარგული ეხვეოდა საყვარელ სხეულს
_დაჩი ... რამე მითხარი თორემ გული გამისკდება
_გული ნუ გაგისკდება ჩემზე წინ ,კარგი? პირობა მომეცი რომ ძალიან,ძალიან დიდი ხნის შემდეგ ორივე მოხუცები რომ ვიქნებით ჩემზე წინ არ გაჩერდება ჩემი სიყვარულით სავსე შენი გული _ ქალის ყელში ჰქონდა ჩამალული სახე,მისი სურნელით გაჟღენთილ ჰაერს სუნთქავდა და მერე მის ამღვრეულ ჭრელ თვალებს უყურებდა _ დამიფიცე პეპი
_ეგ ვინ იცის დაჩი ... როგორ დაგიფიცო შენს მერე მოვკვდები_თქო
_არ იტირო , თორემ ჩემი სიმძიმე დამახრჩობს მართლა ...
_არ ხარ მძიმე და ნუ მეუბნები მე უბრალოდ ვერ ვიგებ რა ხდება ახლა შენ თავში
_ჩემ გონებაში წარსული დატრიალდა ისევ ,ჩემი მტკივნეული ,სისხლიანი წარსული და დღეს გამახსენდა როდის შემიყვარდი ,პეპი . დიანა რომ მოვიდა თავისი ტკივილის წინ ჩემი დააყენა და ჩამიხუტა ისეთი შეგრძნება მქონდა თითქოს ანგელოზმა ჩამიკრა გულში,ძალა მომცა და ვეღარაფერი მატკენდა მის გვერდით ან უბრალოდ ვიცოდი ყველაზე დიდი ტკივილი უკვე გამოცდილი მქონდა. არ ვიცი ზუსტად რა იყო , ვიცი იქამდე მტკიოდა გაუსაძლისად. ხმას ვერ ვიღებდი და ვერ ვმოძრაობდი განცდილი შოკისგან . მერეც ძალიან ცოტას ველაპარაკებოდი, ყველა ჩემზე ლაპარაკობდა და არ მინდოდა არავის დანახვა. შენ რომ გამოჩნდი , წიგნით ხელში და იქვე დაჯექი. პეპის კითხულობდი , ისეთი ლამაზი იყავი მზისფერი ნაწნავებით, მზეს ემალებოდი და პაწაწინა ჭორფლები ანათებდნენ შენ სახეზე. შენ გვერდით დავჯექი და გიყურებდი , წიგნი დასწიე და რაღაც სიტყვა მაჩვენე ვერ წავიკითხე რა არისო მკითხე. ისე ცუდად ვკითხულობდი მაშინ ,პირველკლასელი მე ან შენმა სასიამოვნო ხმამ გამაბრუა. დავიღალე ,მაინტერესებს და წამიკითხეო მითხარი . წიგნი მომაჩეჩე და კითხვის დაწყება მაიძულე ასე მარტივად. საშინლად ვკითხულობდი და არაფერზე ვფიქრობდი სიტყვევის სწორად ამოკითხვისა და შენი ჩემ მიმართ ყურადღების გარდა. ის შეგრძნება გამახსენდა ,დაიჯერებ? შენი პირველი კოცნა გამახსენდა... ხო ნუ მიყურებ ასე , ზარი რომ დაირეკა ლოყაზე მაკოცე და ისე გაიქეცი წიგნი მე დამიტოვე. სახლში მაქვს ის წიგნი ,არ ვიცი როგორ დამავიწყდა მაშინ გულში რომ ჩამისახლდი. გამახსენდა იმ კოცნის მერე როგორ ჩქარა მიცემდა გული ,როგორ მეღიმებოდა შენი დანახვისას. იმ დროიდან გიყურებ ,გიყურებდი და ვერ მოვდიოდი. შენ კი არა მე შემიყვარდი პირველს _ მთელი სახე დაუკოცნა, ყველა ფერმკრთალ ჭორფლზე აკოცა და მერე შუბლი შუბლზე მიაყრდნო _ ძალიან მტკიოდა და ჩემი ტკივილით შენ სიყვარულს ვერ ვიაზრებდი , თორემ სულ გულში მყავდი,სულ წამლად დაგეძებდი . იმ კადრებს რომ ვიხსენებდი მათ გადასაფარადაც შენ გიყურებდი, სუნთქვა რომ შემეკვრებოდა და ხელებზე შეხორცებული ჭრილობები ამეწვებოდა მახსენდებოდი ,როგორ ჩამკიდე წამით შენი პატარა თითები ,კოცნამდე როგორ შემეხე მაჯაზე და ყველა ჯერზე მეღიმებოდა
_მაგ დროს მე უკვე მიყვარდი ... მე მაინც უფრო მეტად მიყვარხარ ,მეტად და მეტი ხანია _ ჩუმად უთხრა და ისევ აკოცა ლოყაზე _ მე ბაღში მიყვარდი. ყველაზე ლამაზი,ჭკვიანი და მშვიდი ბიჭი ვის მოსვლასაც ველოდი სულ. ბავშვები წითელოს მეძახდნენ და შენ გაუბრაზდი , აღარ დაუძახოთ დაცინვა და გოგოს გაბრაზება არ შეიძლებაო,მამა ასე ამბობსო დარწმუნებულმა თქვი და მერე გავიგეთ რაც მოხდა. პატარა სალომემ შენი ლამაზი დედაც ვიტირე და ის მამაც შენ რომ მოგიკლა გული და შენ გულში რომ მოკვდა თვითონაც. ზუსტად არც ვიცოდი რა ხდებოდა ისე ვტიროდი დიდხანს . სკოლაში რომ მოხვედი არ ვიცოდი რა უნდა მეთქვა შენთვის,როგორ მოვსულიყავი შენთან ... იმ დღეს უბრალოდ შენც იქ აღმოჩნდი სადაც მე ვკითხულობდი ხოლმე და წიგნიც დაბნეულმა ,შემთხვევით დაგიტოვე
_მე რატომ არ მახსოვდა ის მომენტი... წიგნი კი ვიცოდი სულ შენგან რომ მქონდა და სულ გადამქონდა ერთი თაროდან მეორეზე, ერთი ოთახიდან მეორეში
_არ გინდოდა რომ გყვარებოდი და მაინც გიყვარდი და იმიტომ _ გულდაწყვეტილმა უთხრა და ტუჩები დაბრიცა_ სულ ებრძოდი შენ ჩემ სიყვარულს და კიდევ როგორ შემოგრჩა ეს ცოტაც გასაკვირია
_ცოტა ? გგონია ცოტა მიყვარხარ სალომე ?ვერაფერმა გადაგფარა ამდენი წელი მეტად როგორ აგიხსნა ჩემი სიყვარული იმ პატარა ბიჭს უკან ვერ დავაბრუნებ თორემ დაგედევნებოდი,დაგეწეოდი,ხელს ჩაგკიდებდი და აღარც გაგიშვებდი.
_იმას ვერ მიხვდი ,რომ ღმერთმა ერთმანეთისთვის გაგვაჩინა და თავი ჩემზე ჭკვიანი გგონია
_შენ ხარ ყველაზე ჭკვიანი გოგო , ჩემნაირი ბიჭი რომ შეიყვარე ... ივახშმებ ჩვენთან ერთად ? დინას დაბრუნებამდე ვახშამს მოვამზადებ,დიდი ხანია არაფერი გამიკეთებია და შენც ნახავ როგორი საოცარი ბიჭი გყავარ
_ასე რომ მიყურებ უარი შემიძლია გითხრა?
_სწავლის პროცესი როგორ მიდის...
_ყველაფერი მომწონს . საერთოდ არ ვიღლები არადა ძალიან გადატვირთული ვარ
_გიყვარს და სიყვარული ყველაფერს ამსუბუქებს... ბორჯომში წამოსვლას ხომ შეძლებ. თუ პრობლემა შეგექმნება არ წავიდეთ
_არა,მინდა თქვენთან ერთად დასვენება
_ჩვენი ქორწილი რომელ სეზონზე გინდა ,რომ იყოს
_დაჩი
_იმ შენ ოცნებებში არ გაქვს წარმოდგენილი ჩვენი ქორწილი?მომიყევი თუ არ მომეწონება შევცვალოთ
_ჯვარს ვიწერთ და შენ ჩემი სიყვარული გაქვს თვალებში ...
_გაზაფხულზე დავქორწინდეთ და ჩვენც გაზავფხულდეთ

ახდენილ ოცნებაზე მეტი არ იყო? დაჩი ჩადუნელს ბავშვობიდან უყვარდა ,პირველი იყვნენ ერთმანეთისვის და უკანასკნელიც გახდებოდნენ.